قوستاناي قالاسىنىڭ پەريناتالدىق ورتالىعىندا سالماعى جەتى كەلىگە جۋىق, بويى 60 سانتيمەتردەن اساتىن ۇل بالا دۇنيەگە كەلدى, دەپ حابارلايدى Egemen.kz.
جاڭا تۋعان سابيگە اتا-اناسى راۋان دەگەن ەسىم بەردى, ول جاس قوستانايلىقتاردىڭ وتباسىنداعى ءۇشىنشى بالا. ۇيدە ءۇش جاسار ەگىز اپكەلەرى ءىنىسىن كۇتىپ وتىر.
- مۇنداي جۇكتىلىك مامانداردان ەرەكشە نازار اۋدارۋدى قاجەت ەتەدى. قازىر انا مەن بالانىڭ جاعدايى جاقسى. بالانىڭ اناسى باق وكىلدەرىنە اتى-ءجونىن ايتقىسى كەلمەدى, دەگەنمەن پەريناتالدىق ورتالىق قىزمەتكەرلەرىنە كاسىبي شەبەرلىگى, وزىنە جانە ۇلىنا قامقورلىق تانىتقانى ءۇشىن العىسىن ءبىلدىردى, - دەدى وبلىستىق دەنساۋلىق ساقتاۋ باسقارماسى.
فوتوسۋرەتتە جاڭا تۋعان نارەستەنى قوستاناي پەريناتالدىق ورتالىعىنىڭ اكۋشەرى سۆەتلانا بوريسوۆا كوتەرىپ تۇر.