عىلىم قىزمەتكەرلەرى كۇنىنە ارنالعان سالتاناتتى ءىس-شارا اياسىندا پرەزيدەنت جانىنداعى ۇلتتىق عىلىم اكادەمياسىنىڭ ىشكى اۋلاسىندا «ساتباەۆ ساكۋراسى» قايتا جاڭعىرتىلىپ, ەكى ساكۋرا اعاشى وتىرعىزىلدى, دەپ حابارلايدى Egemen.kz.
«ساتباەۆ ساكۋراسىنىڭ» تاريحى ارىدەن باستالادى. تۇڭعىش كاسىبي ينجەنەر-گەولوگ, عىلىم دوكتورى, كسرو عىلىم اكادەمياسىنىڭ العاشقى اكادەميگى, قازاق كسر عىلىم اكادەمياسىنىڭ نەگىزىن قالاپ, ونى باسقارعان ءىرى تۇلعا قانىش ساتباەۆتىڭ قۇرمەتىنە كەزىندە اكادەميانىڭ جانىنا ەگىلگەن ساكۋرالار ءالى دە گۇلدەپ تۇر.
وسى ءداستۇرلى شارانى جالعاستىرعان عالىمدار ۇلتتىق عىلىم اكادەمياسىنىڭ ىشكى اۋلاسىندا ەرەكشە سيمۆولدىق مانگە يە بولىپ تۇرعان «ساتباەۆ ساكۋرالارىن» جاڭعىرتىپ, ەل عىلىمىنىڭ دامۋىنا ۇلەس قوسقان تۇلعالار رۋحىنا تاعزىم ەتتى.
سالتاناتتى شاراعا اكادەميكتەر, دەپۋتاتتار, جاپوندىق دەلەگاتسيا مۇشەلەرى, عىلىمي قوعامداستىق بەلسەندىلەرى, دەمەۋشى كاسىپكەرلەر قاتىستى.