اسسامبلەيا جاستارىنىڭ فورۋمى

وبلىس اكىمى فورۋم جۇ­مىسىنا ساتتىلىك تىلەپ, ەلىمىزدىڭ ءار وڭىرىنەن جينالعان جاستاردى قازاقستان حالقى اسسامبلەياسىنىڭ 30 جىلدىق مەرەكەسىمەن قۇتتىقتادى. جاستارعا وڭىردە قولعا الىنعان باس­تامالار تۋرالى ايتىپ ءوتتى.

اسسامبلەيانىڭ 30 جىلدىعى اياسىندا قىزىلوردا قالاسىندا دوستىق ءۇيى بوي كوتەرىپ كەلەدى. الدا كەلە جاتقان قازاقستان حال­قىنىڭ بىرلىگى مەرەكەسى كۇنى وبلىس ورتالىعىنان شىعارماشى­لىق اكادەمياسى اشىلىپ, قايتا جاڭعىرتۋدان وتكەن زاماناۋي دەمالىس پاركى ەل يگىلىگىنە پايدا­لانۋعا بەرىلەدى.

سەنات دەپۋتاتى  نۇريا  نيازوۆا جاستار اسسامبلەياسى جۇزەگە اسىرىپ كەلە جاتقان جوبالارعا توق­تالدى. جاستار ۇيىمدارى وكىلدەرى ەلىمىزدە ۆولونتەرلىكتى دامىتۋعا دا ۇلكەن ۇلەس قوسىپ كەلەدى.

فورۋم وتىرىسىندا عىلىم جانە جوعارى ءبىلىم مينيسترلىگى­نىڭ جوعارى جانە جوعارى وقۋ ورنىنان كەيىنگى ءبىلىم كوميتەتى توراعاسىنىڭ ورىنباسارى اقەر­كە ابىلايحان, «اسسامبلەيا جاستارى» رەسپۋبليكالىق قوعام­دىق بىرلەستىگىنىڭ توراعاسى تيمۋر جۇمىرباەۆ جاسامپاز ءىستىڭ باسىندا جۇرەتىن جاستارعا ساتتىلىك تىلەدى.

رەسپۋبليكالىق فورۋمعا ەلى­مىزدىڭ ءار وڭىرىنەن كەلگەن جاس­تاردىڭ قاتىسۋىمەن قورقىت اتا اتىنداعى قىزىلوردا ۋني­ۆەر­سي­تەتىنىڭ «Kyzylorda Hub» كوۆوركينگ ورتالىعىندا «جاسان­دى ينتەللەكت: مۇمكىندىگى­ مەن الەۋەتى» تاقىرىبىندا سەكتسيا جۇمىسى ءوتتى. ونىڭ اياسىندا ۋنيۆەرسيتەت جانىنان «ستۋدەنتتىك اسسامبلەيا» ورتالىعى اشىلىپ, توراعالىعىنا وڭىرلىك «اسسامبلەيا جاستارى­نىڭ» بەلسەندىسى يسمايل ماحادينوۆ تاعا­يىندالدى. «جاسىل بولا­شاققا – جاس­تارمەن بىرگە!» ۇرانىمەن وقۋ ورنىنىڭ بوتانيكالىق باعىن­دا اعاش ەگۋ اكتسياسى ۇيىم­داستىرىلدى.

ال «بولاشاق» ۋنيۆەرسيتە­تىن­دە وتكەن سەكتسيالىق وتىرىس جۇمىس­­شى ماماندىعىنىڭ ماڭىزدى­لى­عىن ارتتىرىپ, جاس­تاردىڭ كاسىپ­تىك باعدارىن اي­قىنداۋعا ار­نالدى. فورۋم قوناقتارى ۋني­ۆەرسيتەت ينفرا­قۇرىلىمىمەن, ارنايى كابينەتتەرمەن, جىلىجاي جۇمىسىمەن تانىستى.

فورۋم قوناقتارى وسىدان 100 جىل بۇرىن ەل ورتالىعى اتانعان قالانى ارالاپ, «قورقىت اتا» مەموريالدى كەشەنى مەن «بايقوڭىر» عارىش ايلاعىنا ەكسكۋرسيا جاسادى. ساپار سوڭىندا جاستار قحا-نىڭ 30 جىلدىعى ەمبلەماسى بەينەلەنگەن تۋدىڭ عارىشقا ۇشىرىلعانىنا كۋا بولدى.

قىزىلوردا