سەنات دەپۋتاتتارى قازاقستان مەن كيپر اراسىنداعى سوتتالعانداردى بەرۋ تۋرالى كەلىسىمدى راتيفيكاتسيالادى, دەپ حابارلايدى Egemen.kz.
كەلىسىمگە وتكەن جىلدىڭ ناۋرىز ايىندا استانادا قول قويىلعان.
«كەلىسىمگە سايكەس تاراپتار باس بوستاندىعىنان ايىرۋ جازاسىنا كەسىلگەن سوتتالعانداردى جازاسىن نەمەسە ونىڭ قالعان بولىگىن ءوز ەلىندە وتەۋدى جالعاستىرۋ ءۇشىن ءبىر-بىرىنە بەرۋگە مىندەتتەلدى. باس پروكۋراتۋرا قازاقستاننان سوتتالعانداردى بەرۋ تۋرالى شەشىمدەردى ورىنداۋعا جاۋاپتى ورگان بولىپ بەلگىلەندى», دەدى سەناتور سوۆەتبەك مەدەباەۆ.
سونىمەن قاتار, ەگەر سوتتالۋشى سوت شەشىمى بويىنشا زالالدى وتەمەگەن بولسا, سونداي-اق ەگەر بۇل ادامعا قاتىستى ۇكىم شىعارعان ەلدە قىلمىستىق قۋدالاۋ جۇرگىزىلىپ جاتقان جاعدايدا, ول ۇكىم شىعارعان ەلدىڭ ەگەمەندىگىنە, قاۋىپسىزدىگىنە نەمەسە قوعامدىق تارتىبىنە زيان كەلتىرۋى مۇمكىن بولسا, بەرۋدەن باس تارتۋى مۇمكىن.