بيىل قىزىلوردا قالاسىنىڭ ەل استاناسى اتانعانىنا 100 جىل تولادى. وسىدان عاسىر بۇرىن ەل بايتاعىنىڭ ورىنبوردان اقمەشىتكە كەلىپ ورنىققان كەزىنىڭ كۋاگەرلەرى سانالاتىن جادىگەرلەر كوپ ەمەس. سونىڭ ءبىرى – «ۇلاعات» جەكە مەكتەبىنىڭ مۋزەيىنەن ورىن تەپكەن كونە ۇستەل.
بەلگىلى قارجىگەر قالقازبەك اجىبەكوۆ بۇل تاريحي جادىگەردى العاش رەت سوناۋ 1988 جىلى كورىپتى. سول تۇستا ۇلتتىق بانكتىڭ شارۋاشىلىق جونىندەگى باسشىلارىنىڭ ءبىرىنىڭ كابينەتىندەگى ۇلكەن ويۋلى ۇستەلدىڭ تاريحىن دا سۇراعان ەكەن. قازاق اكسر مەملەكەتتىك بانكتىڭ العاشقى باسشىسى پايدالانعان بۇل جيھاز استانا ورىنبوردان قىزىلورداعا كوشكەن 1925 جىلى كەلگەن م ۇلىك بولىپ شىعىپتى.
كەيىننەن وبلىستىق قارجى باسقارماسى «قارجى ورگاندارىنا – 80 جىل» دەپ اتالاتىن مۋزەي اشقاندا قۇندى مۇراعا ىزدەۋ سالادى.
«مۇراجايعا جان-جاقتان ەكسپونات جيناۋ باستالعاندا وسى ۇستەلدى سۇراۋعا ۇلتتىق بانككە باردىم. بىراق باياعى كابينەتتەن بۇرىنعى كورگەن جيھازىم تابىلمادى. سۇراستىرىپ ءجۇرىپ جارامسىز بولىپ سارايدا جاتقان جەرىنەن قىزىلورداعا اكەلدىم», دەيدى قالقازبەك اجىبەكوۆ.
ءبىراز جىلدان كەيىن قىزىلورداداعى قارجىگەرلەر مۋزەيى دە جابىلىپ, جادىگەر قايتادان قويماعا جول تارتقان ەكەن. بەرتىندە جەكە مەكتەپ اشقان قارجىگەر قۇندى مۇرانى ۇستاعا جوندەتىپ, مۋزەي تورىنە قويادى.
وسىلايشا, تاريحي جادىگەر جاڭا جاي تاۋىپتى.
قىزىلوردا