قۇندىلىق دارىستەرى

ناۋرىز مەرەكەسى قار­ساڭىن­دا وبلىس ورتالىعى­نىڭ ءار جەرىندە مەرەكەگە ارنالعان ءتۇرلى ءىس-شارا باس­تالدى. سونىڭ ءبىرى حالىق «تۇرمىستىق ءۇي» اتاپ كەتكەن ساۋدا ورتالى­عىن­دا ۇلتتىق كيىم كورمەسى بولدى.

باتىس قازاقستان وبلىستىق حالىق شىعارماشىلىعى ورتالىعى ۇيىمداستىرعان بۇل كورمە تەاترلاندىرىلعان كورىنىس سيپاتىندا ەرەكشە ءوتتى. ء«داستۇر تاعىلىمى» اتتى كورمەنى ءبىز حالىقتىڭ ءداستۇرلى مادەنيەتىنە نازار اۋدارتىپ, ۇلتتىق كيىمنىڭ قۇندىلىعىن دارىپتەۋدى ماقسات ەتكەندىكتەن ۇيىمداستىردىق», دەيدى مەكەمە باسشىسى ماۋلەت جۇباتوۆ.

«ناۋرىز مەيرامىن توي­لاۋ­دىڭ جاڭا تۇجىرىم­داماسى نەگى­زىندە 18 ناۋرىز – ۇلتتىق كيىم كۇنى بولىپ بەلگىلەنگەن بولاتىن. وسىعان وراي ۇلىستىڭ ۇلى كۇنى قارساڭىندا قازاق حالقىنىڭ سانعاسىرلىق تاريحى مەن مادەنيەتىن ايشىقتايتىن ۇلتتىق كيىمدەرىنىڭ ءسان كورسە­تى­لىمى سالتانات قۇرىپ وتىر. بۇل ءىس-شارانىڭ يدەولوگيالىق ماڭىزى وتە زور. ۇلتتىق كيىم ناۋرىزدا عانا ەمەس, كۇن­دەلىكتى ومىردە دە قول­دا­نىس­قا ەنسە, نۇر ۇستىنە نۇر بولار ەدى», دەيدى وبلىستىق قوعامدىق دامۋ باسقارماسى باسشىسىنىڭ ورىنباسارى گۇلجانار شوكەەۆا.

بۇل كۇنى ساۋدا ورتالىعىنا كەلگەن حالىق «اقجايىق» بي ءانسامبلى ورىنداعان «شاشۋ» ءبيىن تاماشالاپ, «شەجىرە ءسانى» اتا-اجەلەر توبى ۇسىنعان قازاقتىڭ كونەدەن كەلە جاتقان كيىم ۇلگىلەرىن تاماشالادى. مەرەكەگە «اتامەكەن» كومپوزيتسيالىق ورتالىعىنىڭ «ساۋلەم-اي» اجەلەر ءانسامبلى «اق كيمەشەك» اتتى توپتامامەن, بقو ديزاينەرلەر قاۋىمداستىعىنىڭ «قازاقى ناقىش» توپتاماسى, «ماريا حانىم» ءسان سالونىنىڭ «بالالار توپتاماسى», قازاق جىگىتتەرىنە ارنالعان «قايسار رۋح» كيىم ۇلگىسى, جاس جۇبايلار ءۇشىن «جار-جار» توپتاماسى قاتىستى.

باتىس قازاقستان وبلىسى