الماتىدا مۇمكىندىگى شەكتەۋلى ازاماتتارعا كىتاپحانالاردان كىتاپتار تەگىن جەتكىزىلەتىن بولدى. ناۋرىزناما ونكۇندىگى اياسىندا ىسكە اسقان قايىرىمدىلىق قاناتقاقتى جوباسىنا 28 كىتاپحانا قاتىسىپ جاتىر, دەپ جازادى Egemen.kz اقپارات اگەنتتىگى.
وقىرماندار قالا كىتاپحانالارىنىڭ سايتىنان قالاعان كىتابىن تاڭداپ, قاشىقتىقتان تاپسىرىس بەرە الادى. كىتاپحاناشىلار ءبىر-ەكى كۇن ىشىندە تاپسىرىستى قاراستىرىپ, ياندەكس Go سەرۆيسى ارقىلى كىتاپتى تەگىن جەتكىزىپ بەرەدى.
الماتى ورتالىقتاندىرىلعان كىتاپحانالار جەلىسىنىڭ ديرەكتورى مەيرام بەكتەمباەۆ اتاپ وتكەندەي, جوبا مۇمكىندىگى شەكتەۋلى ازاماتتاردىڭ قالاعان كىتابىنا قولجەتىمدىلىگىن ارتتىرادى. قاناتقاقتى جوبا بيىل مامىر ايىنىڭ سوڭىنا دەيىن جالعاسادى.
ەگەر كىتاپقا دەگەن سۇرانىس ارتاتىن بولسا, باسقا ساناتتاعى ازاماتتارعا دا جەتكىزۋ جاعى قاراستىرىلادى. ناتيجەسىندە كىتاپحانالار قورىنىڭ قالا تۇرعىندارىنا قولجەتىمدىلىگىن ارتتىرۋ جۇمىستارى جاز ايلارىندا دا جالعاسىپ تاۋىپ, بۇل قىزمەت ءتۇرىن اقىلى ىسكە اسىرۋ دا كوزدەلىپ وتىر. تسيفرلى قىزمەت تۇرلەرىن دامىتۋ ماقساتىندا قولعا الىنعان جوبا وقىرماندار قاتارىنىڭ ارتۋىنا ىقپال ەتەتىنى انىق.
الماتى