ءدىني باسقارما بەكىتكەن 2025 جىلعى ءدىني كۇندەر كەستەسىنە سايكەس, بيىل رامازان ايىنىڭ العاشقى كۇنى كوكتەمنىڭ ءبىرىنشى كۇنىنە, ياعني 1 ناۋرىزعا سايكەس كەلەدى, دەپ حابارلايدى Egemen.kz.
كەستەگە سايكەس بيىل ورازا 29 كۇنگە سوزىلادى.
مۇسىلمان حاكىمدەرى ادامنىڭ ورگانيكالىق اسقازانى سەكىلدى, رۋحاني اسقازانى دا بار ەكەنىن تۇسىندىرەدى. رامازان ءتان توياتىنىنان ۋاقىتشا تىيعانىمەن, ادامنىڭ جانىن «سەمىرتەتىن» قاسيەتتى اي ەكەنىن جەتكىزەدى. بۇل ۋاقىتتا اۋىز بەكىتكەن, سونداي-اق بەلگىلى سەبەپتەرمەن بەكىتە الماعان مۇحاممەد ۇمبەتى جامان ىستەردەن تىيىلىپ, ءوزىن-ءوزى تازارتۋعا, كەمەلدەندىرۋگە تىرىسۋ قاجەت.
ايتا كەتەيىك, ءدىني باسقارمانىڭ بەكىتۋىمەن بيىلعى جىلدىڭ ءپىتىر ساداقاسى ەلىمىز بويىنشا ەكى كەلى ۇننىڭ ورتاشا باعاسى نەگىزىندە 655 تەڭگەنى قۇرادى.