زاڭ ۇستەمدىگى ادامعا قىزمەت ەتۋى ءتيىس

ونىڭ جۇمىسىنا قر پارلا­مەنتىنىڭ دەپۋتاتتارى, پرەزيدەنت اكىمشىلىگى مەن وزگە دە مەملەكەتتىك ورگانداردىڭ, ۇكىمەتتىك ەمەس ۇيىم­داردىڭ وكىلدەرى قاتىناستى. ەكى كۇن بويىنا ادام قۇقىعى ماسەلەسىن ءسوز ەتكەن سەميناردا ايتىلعان باستى وي زاڭ ۇستەمدىگىنىڭ ادامعا قىزمەت ەتۋى بولدى دەسەك, ارتىق ايتقاندىق ەمەس. باسقوسۋدى اشىپ, ونىڭ مودەرا­تور­لىعىنىڭ تىزگىنىن ۇستاعان ادام قۇقىقتارى جونىندەگى ۇلتتىق ورتا­لىقتىڭ جەتەكشىسى ۆياچەسلاۆ كا­ليۋج­نىي العاشقى ءسوز كەزەگىن قا­زاق­ستانداعى ادام قۇقىقتارى جو­نىندەگى ۋاكىل اسقار شاكىروۆكە بەرگەن. كۇن تارتىبىنە قويىلعان ما­سەلەلەر جونىندە ءسوز قوزعاعان شە­شەن ەلىمىزدىڭ ادام قۇقىقتارى سا­لا­سىنداعى حالىقارالىق كەلىسىم­دەر­گە قول قويعانىن, سونىمەن قا­تار, زورلىق-زومبىلىق كورسەتۋ ارە­كەتتەرى جونىندەگى حالىقارالىق قۇ­جاتتاردىڭ دا راتيفيكاتسيالان­عا­نىن العا تارتتى.

“وتكەن جىلى ەلى­مىز ازاماتتار مەن ساياسي قۇقىقتار جو­نىندەگى پاكتىنى راتيفيكاتسيا­لا­دى. ءسويتىپ, مەملەكەتىمىز ازامات­تار­دىڭ بۇزىلعان قۇقىقتارىنىڭ حالىقارالىق تالاپتار نەگىزىندە قالپىنا كەلتىرۋلەرىنە مۇمكىندىك جاسادى. ادام قۇقىقتارى سالا­سىن­داعى حالىقارالىق قۇجاتتاردى را­تي­فيكاتسيالاۋ مەملەكەتتىڭ ۇلتتىق قۇقىق قورعاۋ تەتىكتەرىن حالىقارا­لىق ستاندارتتار نەگىزىندە جەتىل­دىرۋگە مۇمكىندىك بەرەدى”, دەدى ادام قۇقىقتارى جونىندەگى ۋاكىل. سەمينار جۇمىسىنىڭ جوعارى دا­رەجەدە وتۋىنە اتسالىسقان حالىق­ارا­لىق ساراپشىلار وعان قاتىسۋ­شى­لار نازارىنا بىرىككەن ۇلتتار ۇيىمىنىڭ كوميتەتتەرىنە جەكە شا­عىمداردى بەرۋ مەن قاراۋ تار­تىپ­تەرى جونىندە كەڭىنەن اڭگىمەلەدى.

ماسەلەن, دانيالىق پول دالتون ازا­ماتتىق جانە ساياسي قۇقىق جو­نىن­دەگى حالىقارالىق پاكتىنىڭ ماز­مۇنى مەن ونى ءتۇسىندىرۋ جاعىن بايان­داسا, گەرمانيالىق كارمەن تيەلە حالىقارالىق پاكتىنىڭ ازا­ماتتىق جانە ساياسي پارتيالارعا قا­تىستى 14-بابى جايىندا كەڭىنەن تولعادى. تالقىلاۋ بارىسىندا سەمينارعا قاتىسۋشىلار ازاماتتىڭ ءوز پىكىرىن ەركىن جەتكىزۋگە دەگەن قۇقىقتارىن ىسكە اسىرۋ بويىنشا ەلىمىزدەگى زاڭ ۇستەمدىگى مەن كەيبىر ءىشىنارا كەز­دەسەتىن ادام قۇقىقتارىنىڭ اياققا باسىلۋ جاعدايلارىن بولدىرماۋعا قاتىستى ويلارىمەن ءبولىستى.

ەكى كۇن بويىنا ادام قۇقىق­تا­رى­نىڭ ساقتالۋ ماسەلەلەرىن ءسوز ەت­كەن باسقوسۋعا قاتىسۋشىلار سەمي­نار وتكىزىلۋىنىڭ وزەكتىلىگىنە ءمان بەرىپ, ۇلتتىق زاڭنامالارىمىزعا حالىقارالىق نورمالار مەن ستان­دارتتاردى ودان ءارى ەنگىزە ءتۇسۋدىڭ ماڭىزدىلىعىن باسا ايتتى. جيىنعا قاتىسۋشىلار ادام قۇ­قىق­تارىن قورعاۋ حالىقارالىق تا­لاپ­تار نەگىزىندە جۇزەگە اسىرىلۋى ءتيىس ەكەنىن ءسوز ەتە كەلە, زاڭ ۇس­تەم­دىگىنىڭ بارىنەن بيىك تۇرۋىنىڭ ما­ڭىزىن دا نازارعا الىپ, ونىڭ قو­عامىمىزدى وركەنيەتكە جەتەلەيتىن كۇش ەكەنىنە, ال تۇپتەپ كەلگەندە, ونىڭ ادامعا قىزمەت ەتەتىنىنە شەك كەلتىرمەيتىندەرىن ءبىلدىردى.

انار تولەۋحانقىزى.