حاديشا بوكەەۆا اتىنداعى باتىس قازاقستان وبلىستىق قازاق دراما تەاترى «دينا» اتتى دەرەكتى درامانىڭ تۇساۋىن كەستى.
ايگىلى كۇيشى دينا نۇرپەيىسوۆانىڭ ءومىرى مەن شىعارماشىلىعىنا ارنالعان قويىلىمدى تەاتردىڭ باس رەجيسسەرى المات ءشارىپوۆ ساحنالاعان.
– شىعارما قولىما تۇسكەن ساتتەن دينا انامىزدىڭ ءومىرى, شىعارماشىلىعى جايىندا زەرتتەي باستادىم. كۇيشىنىڭ ۇرپاقتارىمەن حابارلاستىم. پەسا اۆتورى مارجان ەرشۋوۆامەن دە تىعىز بايلانىستا بولىپ, ساحناعا لايىقتاپ جوندەپ الدىق. ساحنالىق كوستيۋمدەر ساپالى تىگىلدى, ارنايى بي قويىلىپ, اكتەرلەر ۋاقتىلى جۇمىس اتقاردى. ۇجىمعا العىسىم شەكسىز, – دەيدى المات نۇرلان ۇلى.
ا.ن.وستروۆسكي اتىنداعى ورىس دراما تەاترىنىڭ ساحناسىندا وتكەن پرەمەراعا قويىلىم اۆتورى مارجان ەرشۋ دە قاتىستى. ول شىعارمانىڭ دينا كۇيشىنىڭ كۇرەسكە تولى ءومىر جولىن, ونىڭ ونەردەگى ورنىن كورسەتىپ, كەيىنگى ۇرپاققا ناسيحاتتاۋ ماقساتىندا جازىلعانىن ايتتى.
– بيىل ءبىزدىڭ حاديشا بوكەەۆا اتىنداعى قازاق دراما تەاترى XXXII تەاتر ماۋسىمىن قىركۇيەك ايىندا اشتى. ماۋسىمدى اشا سالىسىمەن تەاتر ۇجىمى ەكى اي ىشىندە ءتورت بىردەي تەاتر فەستيۆالىنە قاتىسىپ, گاسترولدىك ساپاردا بولدى. بيىلعى 2025 جىلعا دا بىرنەشە جاڭا قويىلىم مەن گاسترولدىك ساپار جوسپاردا تۇر. وڭىرىمىزدەگى ونەردىڭ قارا شاڭىراعىنا اينالعان تەاتر عيماراتى كۇردەلى جوندەۋدە تۇرعانىنا قاراماستان تەاتر ۇجىمى كورەرمەنگە جاڭا قويىلىم ۇسىنۋىن توقتاتقان ەمەس, – دەيدى وبلىستىق مادەنيەت, تىلدەردى دامىتۋ جانە ارحيۆ ءىسى باسقارماسى باسشىسىنىڭ ورىنباسارى مەدحات قامبەتوۆ.
باتىس قازاقستان وبلىسى