قازاقستاندا جەردىڭ سپۋتنيكتىك مونيتورينگى جۇرگىزىلىپ جاتىر. بۇل تۋرالى بۇگىن ۇكىمەت وتىرىسىندا تسيفرلىق دامۋ, يننوۆاتسيالار جانە اەروعارىش ونەركاسىبى ۆيتسە-ءمينيسترى دميتري مۋن ايتتى, دەپ جازادى Egemen.kz.
بۇرىن جەردىڭ قۇنارلىلىعىن تەكسەرۋ ءۇشىن ينسپەكتورلار سوندا بارىپ تەكسەرگەن. بارلىق جۇمىس قاعاز ارقىلى جۇرگىزىلگەن. ۆيتسە-مينيستر بۇل كەزەڭدە مەملەكەتتىك بازالار اراسىندا بايلانىس بولماعانىن ايتتى.
قازىر بۇل ءۇردىس تسيفرلاندىرۋ كومەگىمەن جەڭىلدەتىلىپ, «جەر ينسپەكتورى» جۇيەسى ىسكە قوسىلعان.
«قازىر 116 ملن گا اۋىل شارۋاشىلىعى جەرلەرىنىڭ مونيتورينگى جۇرگىزىلىپ جاتىر. 2022 جىلدان باستاپ جەردى ءتيىمسىز پايدالانۋ سالدارىنان 12 ملن گا جەر مەملەكەت مەنشىگىنە قايتارىلدى. 2025 جىلى تاعى 2 ملن گەكتار جەردى قايتارۋ جوسپارلانعان جەرگىلىكتى تۇرعىندار ءۇشىن 5 ملن گا اۋىل شارۋاشىلىعى جەرلەرى قايتا ءبولىندى», دەدى دميتري مۋن.
سپۋتنيكتىك مونيتورينگ كومەگىمەن قازىر ەلدىڭ بارلىق اۋماعى باقىلاۋعا الىنعان. جەر يەلەرى SMS جانە جەكە كابينەتى ارقىلى اۆتوماتتى تۇردە حابارلاما الادى. وسى ارقىلى مەملەكەتتىك ورگاندارعا قاجەتتى بىرىڭعاي دەرەكتەر بازاسى قۇرىلعان.