الماتى وبلىسىندا «سۋ تاسقىنى كەزەڭىندە تج جويۋ كەزىندەگى ءىس-قيمىلدارعا ازاماتتىق قورعاۋدىڭ مەملەكەتتىك جۇيەسىنىڭ باسقارۋ ورگاندارىن, كۇشتەرى مەن قۇرالدارىن دايىنداۋ» تاقىرىبىندا «كوكتەم-2025» رەسپۋبليكالىق كوماندالىق-شتابتىق وقۋ-جاتتىعۋىنىڭ 1-ءشى كەزەڭى باستالدى.
وقۋ-جاتتىعۋ ازاماتتىق قورعاۋدىڭ مەملەكەتتىك جۇيەسىنىڭ جانە حالىقتىڭ كوكتەم ايلارىنداعى توتەنشە جاعدايلاردى جويۋعا دايىندىعى مەن قابىلەتىن ارتتىرۋ, ازاماتتىق قورعاۋ قىزمەتتەرى مەن قۇرىلىمدارىنىڭ كوكتەمگى كەزەڭدەگى توتەنشە جاعدايعا دەن قويۋعا دايىندىعىن تەكسەرۋ ماقساتىندا جۇرگىزىلەدى.
كۇنى كەشە تالعار اۋدانى تۇزدىباستاۋ اۋىلىنىڭ اۋماعىندا وتكىزىلگەن وقۋ-جاتتىعۋلار ازاماتتىق قورعاۋ جۇيەسى ورگاندارىنىڭ كۇشتەرى مەن قۇرالدارىن پايدالانۋدى قامتىدى. بارلىق قىزمەتتەر اۋىلدىڭ نەگىزگى ۋچاسكەلەرىنە ءبولىنىپ, وندا سۋ تاسقىنىنىڭ الدىن الۋ شارالارىن جۇرگىزۋدىڭ ناقتى قاجەتتىلىگى بارى انىقتالدى. بۇل ۋچاسكەلەردە قوتىربۇلاق وزەنىن كەڭەيتۋ جانە تەرەڭدەتۋ جۇمىستارى جۇرگىزىلدى.
وقۋ-جاتتىعۋ بارىسىندا 60 تەكشە مەتر قاتتى-تۇرمىستىق قالدىقتار شىعارىلىپ, سونداي-اق قوتىربۇلاق وزەنىن 1,5 شاقىرىم ۇزىندىقتا كەڭەيتۋ جانە تەرەڭدەتۋ جۇمىستارىن جاسادى.
وقۋ-جاتتىعۋعا وبلىستىق جانە اۋداندىق ازاماتتىق قورعاۋ قىزمەتتەرى, №28237 اسكەري ءبولىم, اۋداندار مەن قالالاردىڭ جەرگىلىكتى اتقارۋشى ورگاندارى, اۆاريالىق-قۇتقارۋ قىزمەتتەرى مەن قۇرالىمدارى, جەرگىلىكتى پوليتسيا قىزمەتكەرلەرى, سونداي-اق تج دەپارتامەنتىنىڭ اۋماقتىق بولىمشەلەرى قاتىستى.
الماتى وبلىسى