حرومتاۋ قالاسىندا 400 ورىندىق جاڭا مادەنيەت ورتالىعى پايدالانۋعا بەرىلدى, دەپ حابارلايدى Egemen.kz.
2023 جىلدىڭ كۇزىندە بوي كوتەرگەن جاڭا نىسان الداعى ۋاقىتتا اۋداننىڭ مادەني دامۋىنا تىڭ سەرپىن بەرمەكشى.
وبلىس اكىمى اسحات شاحاروۆ جاڭا ورتالىقتا وتكەن حرومتاۋ اۋدانىنىڭ 90 جىلدىعىنا ارنالعان سالتاناتتى شارادا ءوڭىر دامۋىنا ەرەكشە ۇلەس قوسقان ەڭبەك ادامدارىنا توسبەلگىلەر مەن العىس حاتتار تابىستادى. ەڭسەلى عيماراتتا كەڭ ساحنا, كورەرمەندەر زالى, شىعارماشىلىق ۇيىرمەلەرگە ارنالعان بىرنەشە كابينەت جاساقتالعان.
اۋدان اكىمى نۇرحان تىلەۋمۇراتوۆىڭ ايتۋىنشا, جاڭا ورتالىقتا اشىلعان ۆوكال, حور, كوركەمساز ونەرى جانە اكتەرلىك شەبەرلىك ۇيىرمەلەرى تالانتتى جاستاردىڭ قابىلەتىن شىڭداۋعا جاقسى مۇمكىندىك بەرەدى. مادەني ورتالىق قۇرىلىسىن ERG كومپانيالار توبى الەۋمەتتىك جاۋاپكەرشىلىك اياسىندا ىسكە اسىردى.