سەناتتىڭ قارجى جانە بيۋدجەت كوميتەتىنىڭ دەپۋتاتتارى «استانا» حالىقارالىق قارجى ورتالىعىنا باردى, دەپ جازادى Egemen.kz.
سەنات دەپۋتاتتارى ورتالىقتىڭ دامۋى مەن نەگىزگى قىزمەت باعىتتارىن تالقىلاپ, ينۆەستيتسيا تارتۋ, «جاسىل» قارجىنى دامىتۋ جانە ستارتاپتاردى قولداۋ بويىنشا اتقارىلعان جۇمىستاردىڭ ناتيجەسىنەن حاباردار بولدى.
«احقو-نىڭ سوت جانە اربيتراج ورتالىعىنىڭ, سونداي-اق ورنىقتى ينۆەستيتسيالار نارىعىن بەلسەندى دامىتىپ وتىرعان «جاسىل» قارجى ورتالىعىنىڭ قىزمەتىنە باسا نازار اۋدارىلدى. 2024 جىلى قازاقستانداعى «جاسىل» وبليگاتسيالار كولەمى 3,5 ەسەگە ارتتى», دەلىنگەن سەنات حابارلاماسىندا.
دەپۋتاتتار سونىمەن قاتار احقو-نىڭ تسيفرلىق اكتيۆتەر مەن يننوۆاتسيالىق تەحنولوگيالار سالاسىنداعى باستامالارىمەن دە تانىستى.