الەم ەلدەرى سياقتى قازاقستاندى دا تەحنولوگيالىق تارتىپكە كوشۋدەن تۋىنداعان جاھاندىق وزگەرىستەردى اينالىپ وتپەيدى. تسيفرلاندىرۋ مەن يننوۆاتسيا جاھاندىق ەكونوميكاعا ايتارلىقتاي اسەر ەتەدى. بۇل – ترانسفورماتسيانىڭ ەڭ كۇردەلى سالدارىنىڭ ءبىرى ەلدەر جانە مەملەكەتتەر ىشىندەگى ءارتۇرلى الەۋمەتتىك توپتار اراسىنداعى الەۋمەتتىك-ەكونوميكالىق تەڭسىزدىكتىڭ ارتۋى.
ەلىمىز ءوز ساياساتىندا ادامي كاپيتالدى دامىتۋ نەگىزگى ەلەمەنتكە اينالعان ينكليۋزيۆتى ەكونوميكاعا باسىمدىق بەرەدى. ۇكىمەتتىڭ كەڭەيتىلگەن وتىرىسىندا ايتىلعان باستامالار ازاماتتاردىڭ ءومىر ءسۇرۋ ساپاسىن جاقسارتۋعا باعىتتالعان كەڭ اۋقىمدى الەۋمەتتىك-ەكونوميكالىق رەفورمالاردىڭ زاڭدى جالعاسى بولماق. ەكونوميكانى جاڭعىرتۋدىڭ قاجەتتىلىكتەرىن ەسكەرە وتىرىپ, ەلگە ينۆەستيتسيا تارتۋ ەكونوميكالىق ستراتەگيانىڭ نەگىزگى ماسەلەسى رەتىندە قاراستىرىلادى. ينۆەستورلار ءۇشىن پرەفەرەنتسيالار مەن كەپىلدىكتەر كەشەنىن قوسا العاندا, شەتەلدىك جانە وتاندىق ينۆەستيتسيالاردى ىنتالاندىرۋ بويىنشا قوسىمشا ءىس-شارالار ازىرلەنەدى. بۇل رەتتە ينۆەستورلاردان مەملەكەت الدىنداعى بىرقاتار مىندەتتەمەنى ورىنداۋ تالاپ ەتىلەدى. بۇل دەگەنىمىز – جۇمىس ورىندارىن ساقتاۋ, ءوندىرىستى جاڭعىرتۋ, سونىمەن قاتار ەكولوگيالىق تالاپتاردى ساقتاۋ.
مەملەكەت الدىندا تۇرعان باستى ماسەلە – دەموگرافيالىق ءوسۋ. ەلىمىزدە جىل سايىن 400 مىڭعا جۋىق بالا دۇنيەگە كەلەتىنىن ەسكەرسەك, بۇل كورسەتكىش ەڭبەك نارىعى مەن ينفراقۇرىلىمعا قاتتى اسەر ەتەدى. بۇل ءۇردىس مەملەكەتتەن الەۋمەتتىك جانە ەكونوميكالىق ساياساتتى جوسپارلاۋعا ستراتەگيالىق كوزقاراستى تالاپ ەتەدى.
اننا الشانسكايا,
پرەزيدەنت جانىنداعى قسزي ەكونوميكالىق ساياساتتى تالداۋ ءبولىمىنىڭ باسشىسى