تاماق ساپاسىن ساراپتادى

مەملەكەت باسشىسىنىڭ تاپسىرماسىمەن 2023 جىلدان بەرى باس­تاۋىش سىنىپ وقۋشىلارىنا تەگىن ىستىق تاماق بەرىلەدى. سونداي-اق وقۋ-اعارتۋ مينيسترلىگىنىڭ بالالار­دىڭ قۇقىقتارىن قورعاۋ كومي­تەتى تاماقتانۋ ساپاسىن ارتتىرۋ ماقساتىندا بىلتىر تاماقتانۋ نورمالارىن قايتا قاراپ, اسحانا قىزمەتكەرلەرىنە قويىلاتىن تالاپتى كۇشەيتتى. جەتكىزۋشىلەرگە سەس قورىتىندىسىن الۋ مىن­دەت­تەلدى. تەگىن تاماق الۋشى­لار­دىڭ ەسەبى اۆتوماتتاندىرىلدى. مەك­تەپتەردە تاماقتانۋ ساپاسىن كۇندەلىكتى باقىلاۋعا براكەراجدىق كوميسسيالاردىڭ جۇمىسى مىن­دەتتەلدى. بۇعان قوسا, بارلىق وڭىر­دە اتا-انالار, قوعامدىق ۇيىم وكىلدەرى جانە ءماسليحات دەپۋتاتتارىنىڭ قاتىسۋىمەن ۆەدومستۆوارالىق سا­راپتامالىق كوميسسيالار ارقى­لى قوعامدىق باقىلاۋ ۇيىم­داس­تىرىلدى.

جالپى, تاماقتانۋدى جۇيە­لى تۇردە ۇيىمداستىرۋ ساپاسىن مەملەكەتتىك باقىلاۋدى دەنساۋ­لىق ساقتاۋ مينيسترلىگى ساني­تار­لىق-ەپيدەميولوگيالىق با­قى­لاۋ كوميتەتىنىڭ اۋماقتىق بولىم­شەلەرى قامتاماسىز ەتەدى. قازىر ءبىلىم ۇيىمدارىنداعى تاماقتانۋ ستاندارتىنىڭ جوباسىن ازىرلەۋ جانە بەكىتۋ بويىنشا جۇمىستار جۇرگىزىلىپ وتىر.

جيىن بارىسىندا وقۋ-اعارتۋ ءمينيسترى عاني بەيسەمباەۆ ۋاكى­لەتتى مەملەكەتتىك ورگاندارعا برا­كەراجدىق جانە ۆەدومست­ۆو­ارالىق كوميسسيالاردىڭ قۇ­را­مىن جاڭارتىپ, ولارعا وڭىرلىك كاسىپكەرلەر پالاتا­لارىنىڭ وكىل­دەرىن ەنگىزۋدى, كوميس­سيا­لار­دىڭ جۇمىس الگوريتمىن جاڭار­تۋ, سونداي-اق بارلىق ۇدەرىسكە قاتىسۋشىلاردىڭ مونيتورينگ جۇمىستارى مەن باقىلاۋىن كۇشەيتۋ تاپسىردى. تالاپتار جۇ­يەلى تۇردە بۇزىلسا, جەرگىلىكتى بيلىك ورگاندارىنا قىزمەت كورسەتۋ­شى­لەرمەن كەلىسىمشارتتاردى بىرجاقتى تارتىپپەن بۇزۋ قۇقىعى بەرىلەدى.

بۇگىنگى تاڭدا ەلىمىزدە 1,7 ميلليوننان استام وقۋشى تەگىن ىستىق تاماقپەن قامتىلعان. بۇل ماقساتقا جەرگىلىكتى بيۋدجەتتەردەن 192 ميلليارد تەڭگەدەن استام قاراجات بولىنگەن.

ايتا كەتەيىك, وتكەن جىل سوڭىن­دا پرەزيدەنت ءبىلىم جانە بالا قۇقىقتارىن قورعاۋ ماسە­لە­لەرى جونىندەگى زاڭعا قول قويدى. وسىعان وراي ەندى جەكەمەنشىك مەكتەپ­­تەر­دىڭ 1-4 سىنىپ وقۋشى­لارىنا دا تەگىن ىستىق تاماق بەرىلەدى. جاڭا باستاما 25 مىڭنان استام بالانى قامتيدى. وعان مەملەكەت قوسىمشا 12 ميلليارد تەڭگە ءبولدى.

قايسار قۇسايىن