جاپونيا ۋكرايناداعى سوعىسقا بايلانىستى رەسەيگە قوسىمشا سانكتسيالار ەنگىزۋدى ماقۇلدادى. جاپونيالىق شەكتەۋلەر وتاندىق ۇيىمداردىڭ بىرىنە دە اسەر ەتتى, دەپ حابارلايدى Egemen.kz.
بۇل تۋرالى جاپونيا مينيسترلەر كابينەتىنىڭ وتىرىسىندا بەلگىلى بولدى. ەكسپورتقا تىيىم سالىنعان تاۋارلار تىزىمىنە كران قوزعالتقىشتارىنا ارنالعان بولشەكتەر مەن باسقا دا ارنايى جابدىقتارعا ارنالعان بولشەكتەر, سونداي-اق شاعىن موتوتسيكلدەر سياقتى 335 پوزيتسيا قوسىلعان. بۇل رەسەيدىڭ ونەركاسىپتىك الەۋەتىن كۇشەيتۋى مۇمكىن.
سونداي-اق حيميالىق قارۋدى ازىرلەۋ ءۇشىن قولدانىلۋى مۇمكىن كاپسايتسين سياقتى حيميالىق زاتتاردى ەكسپورتتاۋعا تىيىم سالىندى.
بۇل تىيىم 23 قاڭتاردان باستاپ كۇشىنە ەنەدى.
سونداي-اق ۇكىمەتتىك شەشىمدە رەسەيگە سانكتسيالاردى اينالىپ وتۋگە كومەكتەسەدى دەگەن كۇدىككە ىلىنگەن التى ەلدىڭ 31 ۇيىمىنا ەكسپورتقا تىيىم سالۋ قاراستىرىلعان. بۇل توپقا قازاقستان, بىرىككەن اراب امىرلىكتەرى ء(باا), قىتاي, قىرعىزستان, تايلاند جانە تۇركيادا ەلدەرى كىرگەن.
الايدا سانكتسيالار ەنگىزىلگەن ۇيىمداردىڭ اتاۋى ەسەپتە كورسەتىلمەگەن.
جاپونيا مينيسترلەر كابينەتىنىڭ باس حاتشىسى ەسيماسا حاياشي ءباسپاسوز ءماسليحاتىندا جاپونيا G7 ەلدەرىن قوسا العاندا, حالىقارالىق قاۋىمداستىقپەن ىنتىماقتاسا وتىرىپ, ۋكراينا توڭىرەگىندەگى جاعدايدى شەشۋگە باعىتتالعان حالىقارالىق كۇش-جىگەرگە ءوز ۇلەسىن قوساتىنىن مالىمدەدى.