بۇگىن حالىق ءارتىسى, حالىق قاھارمانى, ءانشى روزا باعلانوۆانىڭ تۋعان كۇنى, دەپ حابارلايدى Egemen.kz.
ءانشى قازاق وپەرا جانە بالەت تەاترىنىڭ, قازاق فيلارمونياسىنىڭ, قازاقكونتسەرتتىڭ ءانشىسى بولىپ, ۇلتتىق ءان ونەرىن دامىتۋعا ۇلكەن ۇلەس قوستى. ەرەكشە سازدى انشىلىك مەكتەپتىڭ قالىپتاسۋىنا ىقپال ەتتى.
روزا باعلانوۆا قازاقتىڭ حالىق اندەرىن, زامانداس كومپوزيتورلار مەن شەت ەل حالىقتارىنىڭ اندەرىن ناقىشىنا كەلتىرە ورىندادى.
1946 جىلى ماسكەۋدە وتكەن بۇكىلوداقتىق ەسترادا انشىلەرى كونكۋرسىنىڭ ديپلوماتى, 1949 جىلى بۋحارەستە وتكەن دۇنيەجۇزىلىك جاستار مەن ستۋدەنتتەردىڭ 2-ءشى فەستيۆالىنىڭ لاۋرەاتى اتاندى.
ءبىرتۋار ءانشى «لەنين», «ەڭبەك قىزىل تۋ», «حالىقتار دوستىعى» وردەندەرىمەن, «شاپاعات» مەدالىمەن ماراپاتتالعان.