جىلداعى داستۇرگە سايكەس سان سالادا جەمىستى ەڭبەك ەتىپ جۇرگەن دارىندى جاستار وبلىس اكىمىنىڭ سىياقىسىنا يە بولدى. «اۋليەاتا ۇزدىگى» بايقاۋىندا باق سىناعان تالانتتى جاستاردى ماراپاتتاۋ راسىمىنە ءوڭىر باسشىسى ەربول قاراشوكەەۆ ارنايى قاتىستى.
«تالانتتى جاس قاي كەزدە دە قوعامنىڭ قوزعاۋشى كۇشىنە اينالاتىنى بەلگىلى. مەملەكەت باسشىسى قاسىم-جومارت توقاەۆ ءوز سالاسىندا ۇزدىك سانالعان جاستاردى قولداپ كەلەدى. ۇشقىر ويلى جاستاردى قاناتتاندىرۋ, ولارعا قولداۋ كورسەتۋ جۇمىسى اۋليەاتا وڭىرىندە دە توقتاعان ەمەس. بىلىمىمەن دارالانىپ, ىزدەنىسىمەن كوزگە تۇسكەن جاستاردى قولداۋعا قاي كەزدە دە دايىنبىز. ولاردىڭ ءبىر بولىگى بۇگىن «اۋليەاتا ۇزدىگى» اتانىپ وتىر», دەدى ءوڭىر باسشىسى بايقاۋ لاۋرەاتتارىن ماراپاتتاۋ راسىمىندە.
«اۋليەاتا ۇزدىگى» بايقاۋىنىڭ قورىتىندىسىنا سايكەس «جىلدىڭ ۇزدىك جاس اقىنى» اتالىمى بويىنشا اقىن ارايلى جاقسىلىق ۇزدىك دەپ تانىلسا, «جىلدىڭ ۇزدىك جاس ءجۋرناليسى» اتالىمىندا «ەۋرازيا» تەلەارناسىنىڭ وڭىردەگى مەنشىكتى ءتىلشىسى ۇلدانا جۇباي جەڭىستىڭ بيىك تۇعىرىنان كورىندى. ال «جىلدىڭ ۇزدىك جاس سپورتشىسى» اتالىمىندا بەكسۇلتان بورانباي جەڭىمپاز اتانسا, «ونەر سالاسىنىڭ ۇزدىك مامانى» اتالىمى بويىنشا كەنەن ازىرباەۆ اتىنداعى وبلىستىق فيلارمونيانىڭ ونەرپازى ديدار باسىقاراەۆ توپ جاردى. بۇدان وزگە دە بىرنەشە اتالىم بويىنشا جەڭىمپازدار قوماقتى قارجىلاي سىيلىققا يە بولدى.
سالتاناتتى ءىس-شارا بارىسىندا «تاۋەلسىزدىك ۇرپاقتارى» گرانتىنىڭ يەگەرلەرى دە انىقتالدى. ناقتىراق ايتساق, عىلىم باعىتى بويىنشا داۋلەت جامانقۇل, شىنار توقتامىس, مادەنيەت سالاسى بويىنشا ايانا كيم, اقارىس سايلاۋ, مەديا سالاسى بويىنشا مەرەي باەت پەن ەرقاسىم ءابدىراحمان ۇزدىك شىقتى. گرانت يەگەرلەرىنىڭ بارلىعىنا 1 ملن تەڭگەنىڭ سەرتيفيكاتى تابىستالدى.
تاراز