كولىك ءمينيسترى مارات قاراباەۆ ماجىلىستە وتكەن ۇكىمەت ساعاتىندا وتاندىق فلوتتىڭ جەتىسپەۋشىلىگى وزەكتى ماسەلە ەكەنىن ايتتى, دەپ حابارلايدى Egemen.kz.
قازاقستاندا كەمە قۇراستىراتىن زاۋىتتى تۇركيا كومپانيالارى سالماق.
مينيستر ترانزيتتىك تاسىمالداعى جۇك اعىنىن ارتتىرۋ ءۇشىن وزگە مەملەكەتتەردە قوسىمشا سىرتقى تەرمينالدار اشىلىپ, ولاردىڭ قۋاتتىلىعى 5 ەسەگە وسەتىنىن ايتتى.
«بۇگىندە قۇرىق-اليات قاتىناسىندا ازەربايجاندىق پارومدار عانا جۇمىس ىستەيدى. قازىردىڭ وزىندە بىزگە ەڭ كەمىندە 7 بىرلىك كەمە قاجەت. ونىڭ ءوندىرىسىن قالىپتاستىرۋ ءۇشىن تۇركيالىق YDA جانە ASFAT كومپانيالارى قۇرىق پورتىنىڭ جانىندا ارنايى زاۋىت قۇرىلىسىن جوسپارلاپ وتىر. وتاندىق دالىزدەرگە جۇك اعىندارىن تارتۋ ءۇشىن ىشكى تەرمينالدارمەن قاتار, شەت ەلدەردىڭ جۇك جيناقتالاتىن اۋماقتارىندا سىرتقى تەرمينالدار دا قالىپتاستىرىلىپ جاتىر. قازىر ليانيۋنگان پورتىندا جانە سيان قالاسىنىڭ قۇرعاق پورتىندا قازاقستان-قىتاي تەرمينالدارى بار, سونداي-اق گرۋزيانىڭ پوتي پورتىندا وتاندىق كاسىپكەردىڭ تەرمينالى جۇمىس ىستەپ جاتىر», دەدى مارات قاراباەۆ.