وتكەن عاسىردىڭ الپىسىنشى جىلدارى ادەبيەتكە كەلىپ, ۇلت رۋحانياتىنا قىزمەت ەتكەن قالامگەرلەر شوعىرى قالىڭ. سول ىرگەلى بۋىننىڭ وكىلى, بۇگىنگەن دەيىن قولىنان قالامى تۇسپەگەن كورنەكتى جازۋشىنىڭ ءبىرى – كادىربەك سەگىزباي ۇلى.
«اتامۇرا» باسپا كورپوراتسياسىنان جازۋشى, مەملەكەتتىك سىيلىقتىڭ لاۋرەاتى كادىربەك سەگىزباي ۇلىنىڭ ەكى تومدىق ء«بىز نەمەسە ەسىكتەن تورگە دەيىن» اتتى عۇمىرنامالىق ەستەلىك-ەسسەلەر جيناعى مەن «قارتتارىم, قايران قارتتارىم» اتتى كىتابى جارىق كوردى. «جەلكىلدەپ وسكەن قۇراقتاي», «جەتكىنشەك دەيتىن ەلدەنبىز», «وت جەيدەلى جاستىق شاق», «ەندىگى باعىت – ەگدەلەر ەلى» اتتى ءتورت سالادان تۇراتىن ەستەلىك-ەسسەلەردەن قۇرالعان العاشقى قوس كىتاپقا جازۋشىنىڭ بالالىق شاعىنان باستاپ, قالامگەرلەر ورتاسىنداعى كەزەڭدەرىنە دەيىنگى ءومىر جولىنىڭ ەڭ ەستە قالار قىزىقتى تۇستارى ەنگەن. ءتورت تاراۋدا اۆتوردىڭ ءوزى قويان-قولتىق ارالاسقان بالالىق, جاستىق, ستۋدەنتتىك جانە قالامگەرلەر ورتاسىنداعى دوستارىمەن وتكىزگەن ءارتۇرلى وقيعالارى بەينەلەنگەن.
ال «قارتتارىم, قايران قارتتارىم» كىتابىندا جازۋشى شىعىستاعى جارسۋ اۋىلىندا وتكەن عاسىردىڭ 50-60 جىلدارىندا ءومىر سۇرگەن قارتتاردىڭ, قۇرداستاردىڭ, بىرىنە-ءبىرى ۇقسامايتىن مىنەز-ق ۇلىقتارىن ايتا وتىرىپ, قىزىقتى وقيعالاردى وقىرمان نازارىنا ۇسىنادى.