ولجاس قۇرمانبەك ۇلى 1986 جىلى 23 ناۋرىزدا شىعىس قازاقستان وبلىسى وسكەمەن قالاسىندا دۇنيەگە كەلگەن. 2008 جىلى قازگزۋ الماتى زاڭ اكادەمياسىندا «قۇقىقتانۋ» ماماندىعىن, 2011 جىلى اباي اتىنداعى قازاق ۇلتتىق پەداگوگيكالىق ۋنيۆەرسيتەتىندە «مەنەدجمەنت» ماماندىعىن, 2013 جىلى «قۇقىقتانۋ» ماماندىعى بويىنشا قر پرەزيدەنتىنىڭ جانىنداعى مەملەكەتتىك باسقارۋ اكادەمياسىنىڭ ماگيستراتۋراسىن تامامداعان.
ەڭبەك جولىن 2008 جىلى قر باسەكەلەستىكتى قورعاۋ اگەنتتىگىنىڭ ءىس جۇرگىزۋ جونىندەگى ينسپەكتورى بولىپ باستاعان.
استانا قالاسىندا قر ۇلتتىق عارىش اگەنتتىگى زاڭ باسقارماسىنىڭ ساراپشىسى جانە باس ساراپشىسى بولىپ جۇمىس اتقارعان.
2014-2020 جىلدارى «سامۇرىق-قازىنا ۇلتتىق ءال-اۋقات قورى» اق-دا زاڭ دەپارتامەنتىنىڭ باس زاڭگەرى, ساتىپ الۋ ءادىسناماسى قىزمەتىنىڭ باسشىسى لاۋازىمدارىندا ەڭبەك ەتكەن.
2021-2022 جىلدارى الماتى قالاسى اكىمى اپپاراتى بىرىڭعاي پەرسونالدى دامىتۋ قىزمەتىنىڭ باس ينسپەكتورى, 2022 جىلى الماتى قالاسى اكىمى اپپاراتى بىرىڭعاي پەرسونالدى باسقارۋ قىزمەتىنىڭ باس ينسپەكتورى قىزمەتتەرىن اتقارعان.
تاعايىندالعانعا دەيىن اباي وبلىسى اكىمى اپپاراتى باسشىسىنىڭ ورىنباسارى بولعان.