وتكەن اپتا: سپورتشىلاردىڭ جەڭىستەرى

شورت-ترەك: بەيجىڭدە (قىتاي) World Tour كەزەڭىندە قازاقستان ايەلدەر كومانداسى ەستافەتادا قولا جۇلدە (الەمدىك تۋردا جەڭىپ العان العاشقى جۇلدە) يەلەندى. ەل نامىسىن ماليكا ەرمەك, الينا اجعاليەۆا, يانا حان مەن ولگا تيحونوۆا قورعادى.

كونكيمەن جۇگىرۋ: پولشانىڭ توماشۋۆ-مازوۆەتسك قالاسىندا جاسوسپىرىمدەر اراسىنداعى الەم كۋبوگى كەزەڭىندە ارينا يلياششەنكو 500 مەتر قاشىقتىقتى 41.30 سەكۋندتا جۇگىرىپ ءوتىپ, كۇمىس مەدال يەگەرى اتاندى. سونىمەن قاتار اناستاسيا بەلوۆودوۆا مەن ميحايل ماتريۋحين ارالاس ەستافەتادا ءۇشىنشى ورىنعا يە بولدى.

پارا سپورت: مالايزيادا ۇيىمداستىرىلعان ەستۋ قابىلەتى ناشار سپورتشىلار اراسىندا ح ازيا-تىنىق مۇحيتى ويىندارىندا قازاقستان قۇراماسى سپورتتىڭ 6 تۇرىنەن 66 مەدال (17 التىن, 25 كۇمىس جانە 24 قولا) جەڭىپ الدى.

تەننيس: لاتۆيانىڭ ايزكراۋكلە قالاسىندا جاسوسپىرىمدەر اراسىنداعى ITF J100 تۋرنيرىندە زاڭعار نۇرلان ۇلى چەمپيون اتاندى. الەمدىك رەيتينگتە 77-ورىندا تۇرعان وتانداسىمىز فينالدا نيدەرلاند وكىلى حايدە شونماركستى جەڭدى – 6:3, 6:2.

ارالاس جەكپە-جەك: اقش-تىڭ لاس-ۆەگاس قالاسىندا UFC 310 تۋرنيرىندە شاۆكات راحمونوۆ (19-0) يرلانديالىق فايتەر يەن گەرريمەن جەكپە-جەككە شىعىپ, تورەشىلەردىڭ ءبىراۋىزدان قابىلداعان شەشىمىمەن جەڭىسكە جەتتى.