قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ شەكارا قىزمەتىنە قاراستى «Otan Saqshysy» گازەتىندە «Egemen Qazaqstan» گازەتىنىڭ جامبىل وبلىسىنداعى مەنشىكتى ءتىلشىسى تابيعات مۇسىلمانقۇلدىڭ ماقالاسى جاريالاندى.
ايتا كەتەيىك, ماقالادا قورداي اۋدانىنداعى شەكارا قىزمەتىنە اسكەر قاتارىنا شاقىرىلعان ساربازداردىڭ انت قابىلداۋ ءراسىمى وتكەنى جازىلعان. كۇزگى شاقىرىلىم اياسىندا وتان الدىنداعى قاسيەتتى بورىشىن وتەۋگە كەلگەن ساربازدار سالتاناتتى تۇردە انت بەردى.
ساربازدار ءۇشىن اسا ماڭىزدى ءىس-شاراعا ولاردىڭ تۋىستارى مەن دوستارى, اسكەري ءبولىم
كومانديرلەرى قاتىستى. وسىلايشا, ولار جاس ۇلاندارعا قولداۋ كورسەتتى.
كەزەكتى شاقىرىلىم ساربازدارى ەل شەكاراسىنىڭ كۇزەتىن قامتاماسىز ەتەتىن قورداي شەكارا باسقارماسىنىڭ قاتارىنا قوسىلدى. قازاقستاننىڭ وڭتۇستىك بولىگىندە ورنالاسقان بۇل ايماق شەكارا قاۋىپسىزدىگىن قامتاماسىز ەتۋدە ەرەكشە ماڭىزعا يە. شەكارا قىزمەتى ءاربىر جاس ساربازعا زور مىندەت جۇكتەپ, وعان ۇلكەن جاۋاپكەرشىلىك ارتادى. انت بەرۋ ءراسىمى وسى مىندەتتىڭ سيمۆولدىق باستاۋى ىسپەتتى. بۇل كۇنى ساربازدار وتان الدىنداعى جاۋاپكەرشىلىگىن تەرەڭ سەزىنىپ, تاۋەلسىزدىك پەن بەيبىتشىلىكتى ساقتاۋ جولىنداعى قىزمەتكە شىن جۇرەكتەن دايىن ەكەندىكتەرىن جەتكىزدى.
ماقالانى تولىعىراق كەلەسى سىلتەمە ارقىلى وقي الاسىزدار.