بالەت ونەرىنىڭ بەلەسى

فەستيۆال كورنەكتى بالەت ار­تىستەرى مەن حورەوگرافتاردىڭ باسىن قوسقان تاجىريبە مەن شى­عار­ماشىلىق جەتىستىكتەرىنىڭ الما­سۋ الاڭى بولدى. سالتاناتتى ءىس-شا­رانىڭ اشىلۋىندا قازاق ۇلتتىق حو­رەوگرافيا اكادەمياسىنىڭ رەك­تورى بيبىگۇل ءنۇسىپجانوۆا, كور­كەم­دىك جەتەكشىسى, رەسەيدىڭ حالىق ءارتىسى التىناي اسىلمۇراتوۆا, با­لەت ءار­تىسى جانە بەيجىڭ بي اكادە­ميا­سى­نىڭ بالەت دەپارتامەنتى­نىڭ ديرەك­تورى ۆلاديمير مالاحوۆ, با­لەت جۇلدىزى ديانا ۆيشنەۆا, «راۋشان گ ۇلى مەن كوبەلەكتىڭ رومانى» بالەتىنىڭ قويۋشى حورەو­گرافى ۆاسيلي مەدۆەدەۆ, بالەت ءارتىسى ءارى بوريس ەيفمان بي اكادەمياسىنىڭ كوركەمدىك جە­تەك­شىسى كونستانتين ماتۆەەۆ, بەي­جىڭ بي اكادەمياسىنىڭ ۆيتسە-پرە­زيدەنتى سۋ يانىڭ قاتىسۋىمەن وت­كەن ءباسپاسوز ءماسليحاتىندا فەستيۆال ۇيىمداستىرۋشىلارى مەن قو­ناقتارى جوعارى حورەوگرافيا­لىق ونەر تۋرالى شابىتتاندىراتىن اڭگىمەلەرىن ايتىپ, بي اكادەميا­لارىن دۇنيەجۇزىلىك دەڭگەيدە دا­مى­تۋدىڭ ماڭىزدىلىعىن تالقىلا­دى. قوناقتاردىڭ ارقايسىسى الەم­دىك كونتەكستە حورەوگرافيالىق ونەردىڭ وسۋىنە ىقپال ەتەتىن سان الۋان مادەنيەتتەر مەن ءبىلىم بەرۋ مەكەمەلەرى اراسىنداعى تاجىريبە الماسۋدىڭ ماڭىزدىلىعىن دا باسا اتاپ ءوتتى. ال قويىلىم رەجيسسەر­لەرى ساحنا سىرتىنداعى قىزىقتى مالى­مەت, شىعارماشىلىق يدەيالارمەن, قويىلىمعا دەگەن كوزقاراستارىمەن جانە ءار شىعارمانىڭ ەرەكشە ەرەكشەلىكتەرىمەن ءبولىستى.

سونداي-اق بۇل كەشتە كورەر­مەندەر قازاق ۇلتتىق حورەوگرافيا اكادەمياسىنىڭ قايتالانباس قويىلىمى — «راۋشان گ ۇلى مەن كوبەلەكتىڭ رومانى» بالەتىن تاماشالاپ, ساف ونەردىڭ سۇلۋلىعىنان ءلاززات الدى. بي ونەرىنىڭ اڭىزى ماريۋس پەتيپانىڭ سوڭعى تۋىندىسىنا نەگىزدەلىپ ريكاردو دريگونىڭ مۋزىكاسىنا قويىلعان حورەوگراف ۆاسيلي مەدۆەدەۆتىڭ رەداكتسياسىنداعى ايتۋلى جۇمىس فەستيۆالدىڭ جاڭالىعى بولدى. تاريحىنا 120 جىل تولتىرىپ وتىرعان ايگىلى تۋىندى سونىسىمەن دە كەشتىڭ ايتۋلى وقيعاسىنا اينالدى.

فەستيۆالدىڭ كەلەسى كۇنى قازاق ۇلتتىق حورەوگرافيا اكادەمياسىندا الەمدىك بالەت جۇلدىزدارى – ماريا تەاترىنىڭ پريما-بالەريناسى ديانا ۆيشنەۆا مەن اتاقتى بالەت ءارتىسى ءارى حورەوگراف ۆلاديمير مالاحوۆتىڭ شەبەر­لىك سىنىپتارى ءوتتى. ايگىلى ارتىستەر­دىڭ شىعارماشىلىق تاجىريبەسىنە نەگىزدەلگەن تۇششىمدى ءدارىس ستۋدەنتتەرگە جوعارى بي ونەرىنە تەرەڭ­نەن بويلاۋعا تاماشا مۇمكىندىك بەردى. ال حالىقارالىق سەرىكتەستەردىڭ قاتىسۋىمەن وتكەن «قازىرگى ءبىلىم بەرۋ جۇيەسىندەگى حورەوگرافيا­لىق مەكتەپتى دامىتۋ پەرسپەكتيۆالارى» تاقىرىبىنداعى دوڭگە­لەك ۇستەل بۇگىنگى بي ونەرىنىڭ وزەكتى ماسەلەلەرىن تالقىلادى.

بالەت ونەرىن جاڭاشا بەلەسكا كوتەرگەن بي شەرۋى «Astana Ballet» ساحناسىندا وتكەن گالا-كەش­پەن قورىتىندىلاندى. ساحناعا ەكى بە­دەلدى حورەوگرافيالىق مەكتەپ – بوريس ەيفمان بي اكادەمياسى­نىڭ جانە بەيجىڭ بي اكادەمياسى­نىڭ ستۋدەنتتەرى شىقتى. بوريس ەيف­مان بي اكادەمياسى ادام بولمى­سى­نىڭ ماڭگىلىك تاقىرىپتارى – سەنىم, ءۇمىت ءھام ماحاببات تۋرالى باياندايتىن «Epiphania» ءبىر اكتىلى بالەت-سپەكتاكلىن ۇسىنسا, بەيجىڭ بي اكادەمياسى كورەرمەندەرگە «ديۆەرتيسمەنت» باعدارلاماسىن تارتۋ ەتتى. وندا ماريۋس پەتي­پا مەن ارتۋر سەنت-لەوننىڭ كلاس­سيكالىق تۋىندىلارى زاماناۋي قويىلىمدارمەن بىرىكتىرىلىپ, حورەوگرافيالىق ونەردىڭ اسەم­دىگى مەن جان-جاقتىلىعىن شەبەر جەت­كىزە ءبىلدى.

ءيا, «Temps lié» فەستيۆالى – بۇل تەك بي مەرەكەسى عانا ەمەس, سونىمەن قاتار تاجىريبە الماسۋ, حالىقارالىق بايلانىستار ورناتۋ ءارى جاڭا شىعارماشىلىق يدەيالارمەن شابىتتاندىرۋعا ا­ر­نالعان الاڭ رەتىندە دە اۋقىمدى جۇك ارقالادى. قورىتىندى كەشتە ساحناعا كوتەرىلگەن قازاق ۇلتتىق حورەوگرافيا اكادەمياسىنىڭ ­رەكتورى بيبىگۇل ءنۇسىپجانوۆا ءىس-شارانىڭ بارلىق قاتىسۋشى­سى­نا ريزاشىلىعىن جەتكىزە كەلە: «وسىن­داي اۋقىمدى جانە ماڭىزدى وقيعانىڭ ءبىر بولىگى بولۋ – ناعىز ماقتانىش» دەپ ءسوز تۇيىندەدى.