ينتەراكتيۆتى سايت

توقسان جىلعا جۋىق تاريحى بار حايۋاناتتار باعىندا جان-جا­نۋارلاردىڭ 300-دەن استام ءتۇرى تىرشىلىك ەتىپ جاتىر. بۇگىندە ولار­دىڭ سانى 3 مىڭنان اسادى.

«الماتى حايۋاناتتار باعىن مە­­كەن­دەيتىن جانۋارلار تۋرالى سايت ازىر­لەۋ جايىنداعى جوسپارىمىز ومىرت­قالى­لار زوولوگياسى بويىنشا دارىس­تەردىڭ بى­رىندە تۋىندادى. رەسۋرستى قول­عا الماس بۇرىن, ساراپتاما جۇ­مى­سىن جۇرگىزدىك. سول كەزدە حايۋانات­تار باعىنىڭ باي تاريحى مەن وندا مە­كەن­دەيتىن جانۋارلار تۋرالى كەڭ مالى­مەت بەرەتىن اقپارات­تىڭ جوقتىعىنا كوز جەتكىزدىك. جوسپارى­مىز­دى ابدەن جەتىل­دىرىپ العاننان كەيىن بيولوگيا كافەد­راسىنىڭ دوتسەنتى كۇمىس باتىروۆانىڭ جەتەكشىلىگىمەن سايت ازىر­لەۋ تۋرالى توق­تامعا كەلدىك. جەتەكشى­مىز اقپارات­تى پايدالانۋشىلاردىڭ ءار­تۇرلى جاس ساناتتارى ءۇشىن تۇسىنىكتى جانە ­قول­جەتىمدى بولاتىنداي ەتىپ سايتتى جەتىل­دىرۋگە كومەكتەستى. بۇل, اسىرەسە ءبىلىم رەسۋرس­تارى ءۇشىن ماڭىزدى بولا­تىن. رەس­ۋرس تاقىرىپتىق بولىمدەرگە بولىن­گەن. وندا جىرتقىش قۇستار, پريمات­تار, ەكزو­تاريۋم, تۇياقتىلار, جىرتقىش ­سۇت­قو­رەك­تىلەر سياقتى جانۋارلاردىڭ جەكە توپتارىنا ارنالعان بولىمدەر بار. سايت قازىرگى كەزدە تىرشىلىك ەتۋ ورتاسى, تارالۋ ايماعى, مىنەز-ق ۇلىق ەرەك­شە­لىك­تەرى جانە ءار جانۋارعا, قۇستارعا قا­تىس­تى قىزىقتى فاكتىلەرمەن تولىقتىرى­لىپ جاتىر. سۋدا, قۇرلىقتا مەكەندەي­تىن ء­ار­بىر تىرشىلىك يەسىنىڭ ەكوجۇيەدەگى ء­رولى, تابيعاتتاعى رولىنە قاتىستى بارىنشا اقپارات بەرىلگەن. مىسالى, الەمدە جىرت­قىش قۇستاردىڭ 250-دەن استام ءتۇرى بول­سا, ولاردىڭ 39-ى قازاقستان اۋما­عىن مەكەن ەتەدى. قۇستاردىڭ 33 ءتۇرى ەلىمىز اۋماعىندا جۇمىرتقا سالىپ, كوبەيەتىن بولسا, 16-سى قىزىل كىتاپقا ەنگەن», دەيدى  سايت ازىرلەۋشىلەرىنىڭ ءبىرى كاميلا مەرەكە https://almatyzoo.wixsait.com/almatyzoo.

سايت بيولوگ مامانداردى دايارلاۋدا وقۋ باعدارلامالارىن ءتيىمدى ۇيلەستىرۋگە بولاتىن ءبىلىم بەرۋ رەسۋرسى باعىتىن دا ۇستانادى. كوللەكتسيالىق ماتەريالدى زوولوگيا, جانۋارلار ەكولوگياسى, بيوگەوگرافيا, تىرشىلىك ورتاسىنا قاتىستى اقپاراتتى زەرتتەۋدە پايدالانۋعا بولا­دى. قازىرگى كەزدە حايۋاناتتار باعىن مەكەن ەتەتىن جان-جانۋارلار, قۇستار تىر­­شى­لىگى ستۋدەنتتەر, مەكتەپ وقۋشىلارى جانە تابيعات اۋەسقويلارى ءۇشىن دە وتە قى­زىقتى اقپاراتتارمەن تولىعىپ جاتىر.

«سايتتى ازىرلەۋ بارىسىندا حايۋاناتتار باعى تۋرالى كوزقاراسىمىز تۇ­بەگەيلى وزگەردى. بۇرىن حايۋاناتتار با­عىن ويىن-ساۋىق پەن دەمالىس ورنى دەپ قابىلداپ كەلسەك, كەڭەيتىلگەن اقپارات العاننان كەيىن بيوارتۇرلىلىكتى ساقتاۋ مەن قورعاۋدا ءبىز بىلە بەرمەيتىن اۋقىم­دى جۇمىستاردىڭ ىستەلىپ جاتقانى­نا كوز جەتكىزدىك. جۇمىستىڭ ەڭ قىزىق­تى كەزەڭى حايۋاناتتار باعىنا بارۋ جانە ونىڭ قىزمەتكەرلەرىمەن پىكىرلەسۋ بولدى. بۇل جاي عانا ەكسكۋرسيا ەمەس, حايۋاناتتار باعىنىڭ ماماندارىمەن كەڭەسىپ, ءار جانۋار تۋرالى اقپارات قورىن جيناقتاۋعا مۇمكىندىك الدىق. اسىرەسە ماتىندەرمەن كوپ جۇمىس ىستەۋگە, كۇردەلى تەرميندەردى جەڭىلدەتۋگە جانە تۇسىنىكتەمە قوسۋعا تۋرا كەلدى. سونداي-اق ءاربىر ءتۇر تۋرالى دەرەكتەردى ىزدەۋ, سيرەك كەزدەسەتىن جانۋارلار تۋرالى اقپا­راتتاردى جاڭارتىپ وتىرۋدا كوپ ىزدەنىسكە جول اشتى», دەيدى يانا فيلاتوۆا.

سايتتى دامىتا وتىرىپ, حايۋانات­تار باعىنا جاڭادان اكەلىنگەن جانۋار­لار, قۇستار جايىندا اقپارات قوسۋدى جوس­پارلاپ وتىرعان جۇمىس توبى ينتەر­اك­تيۆتىلىگىن ارتتىرىپ, حايۋاناتتار باعىنا ۆيرتۋالدى تۋرلار, قىزىقتى نۇسقاۋ­لىقتار قوسۋدى ويلاستىرىپ جاتىر.

الماتى