2026 جىلدىڭ 1 قاڭتارىنان باستاپ اۆتوكولىكتەردىڭ مەملەكەتتىك نومىرلەرىن ەركىن تاڭداۋ مۇمكىن بولادى. بۇل تۋرالى ورتالىق كوممۋنيكاتسيالار قىزمەتىندە وتكەن بريفينگتە قر ءىىم اكىمشىلىك پوليتسيا كوميتەتىنىڭ توراعاسى قايسار سۇلتانباەۆ مالىمدەدى, دەپ حابارلايدى Egemen.kz.
«كولىككە مەملەكەتتىك ءنومىر بەلگىلەرىن ەركىن تاڭداۋ ماسەلەسى بويىنشا ىشكى ىستەر مينيسترلىگى مەن تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگى 2025 جىلدان باستاپ 10 اەك تولەۋ جانە ۇلتتىق ەكونوميكا مينيسترلىگىنىڭ اتىنا ەنگىزىلگەن قاجەتتى مەملەكەتتىك ءنومىردى تاڭداۋ مۇمكىندىگىن كوزدەيتىن جاڭا سالىق كودەكسىنىڭ جوباسىنا تۇزەتۋلەر ازىرلەگەنىن حابارلايمىز. بىراق بۇگىنگى كۇنى جاڭا سالىق كودەكسىن قابىلداۋ مەرزىمى, سونداي-اق وسى نورمانى ىسكە اسىرۋ مەرزىمى 2025 جىلدان باستاپ 2026 جىلعا اۋىستىرىلدى», دەدى ق.سۇلتانباەۆ.
كوميتەت توراعاسى ىسكە اسىرۋ مەرزىمىنىڭ 2026 جىلدىڭ 1 قاڭتارىنا شەگەرىلۋىن جۇمىس كولەمىمەن جانە سالىق كودەكسىنە ۇلكەن وزگەرىستەر ەنگىزىلىپ جاتقانىمەن ءتۇسىندىردى.
سونداي-اق ول ىشكى ىستەر مينيسترلىگىنىڭ كولىكتەرگە مەملەكەتتىك ءنومىر بەرۋدىڭ بۇل پروتسەدۋراسىنا تەحنيكالىق دايىن ەكەنىن اتاپ ءوتتى.