«قاراعاندى جارىق» جشس-ءنىڭ №9 ترانسفورماتورلىق ستانتسياسىندا ەلەكتر قۋاتىنىڭ توقتاۋى سالدارىنان «اباي» شاحتاسىنان 155 ادام ەۆاكۋاتسيالاندى, دەپ حابارلايدى Egemen.kz.
كەشە تۇندە شاحتادا ەلەكتر قۋاتى ءوشىپ قالعان. كاسىپورىننىڭ ورتالىق ديسپەتچەرلىك پۋنكتىنە ەلەكتر قۋاتىنىڭ ۇزىلگەنى تۋرالى سيگنال تۇسكەن بويدا شاحتادا ەۆاكۋاتسيالاۋ جوسپارى ەنگىزىلگەن.
«7 قاراشا كۇنى ساعات 20:29-دا كاسىپورىننىڭ ورتالىق ديسپەتچەرلىك باسقارماسىنا «اباي» شاحتاسىندا ەلەكتر ەنەرگياسىنىڭ توقتاعانى تۋرالى حابار ءتۇستى. بۇل جاعداي «قاراعاندى جارىق» جشس-ءنىڭ №9 ترانسفورماتورلىق ستانتسياسىندا ەلەكتر قۋاتىنىڭ توقتاۋى سالدارىنان تۋىنداعان. جەدەل تۇردە پەرسونال ەۆاكۋاتسيا جوسپارىن ىسكە قوستى, ناتيجەسىندە اۋىسىمدا بولعان 155 ادام جەر بەتىنە شىعارىلدى. كاسىپورىننىڭ بارلىق قىزمەتتەرى جەدەل ارەكەت ەتىپ, بەكىتىلگەن جۇمىس الگوريتمىنە سايكەس جۇمىس ىستەدى», دەپ حابارلادى «Qarmet» اق ءباسپاسوز قىزمەتى.
قازىرگى ۋاقىتتا ەلەكتر ەنەرگياسى قالپىنا كەلتىرىلگەن. ءتيىستى قىزمەتتەر جاعدايدى تالداپ, كاسىپورىن جۇمىسىن قاۋىپسىز تۇردە قايتا باستاۋ ءۇشىن شاحتانى دايىنداپ جاتقاندىعى بەلگىلى بولدى.