تاراز قالاسىنىڭ اۋماعى جىل وتكەن سايىن ۇلعايىپ, حالىق سانى ارتىپ كەلەدى. جاڭادان بوي كوتەرگەن شاعىن اۋدانداردا حالىق تىعىز ورنالاسقان. ماسەلەن, بىرەر جىل بۇرىن « ۇلى دالا» شاعىن اۋدانىنا ساناۋلى باعىتتا عانا قوعامدىق كولىك قاتىناعان بولسا, كەيىنگى ۋاقىتتا جاڭا باعىتتا جۇرەتىن اۆتوبۋستار سانى كوبەيدى.
جەرگىلىكتى اتقارۋشى بيلىك كەيىن-گى كەزدەرى قالاداعى قوعامدىق كولىكتەردى جاڭارتۋعا ايرىقشا نازار اۋدارىپ وتىر. ۇزاق جىلدار بويى پايدالانىلعان, توزىعى جەتكەن اۆتوبۋستاردىڭ ورنىن قازىر جاڭا قوعامدىق كولىكتەر الماستىرىپ جاتىر. جالپى, تاراز قالاسىنداعى اۆتوبۋستاردى جاڭارتۋ ماسەلەسىن ءوڭىر باسشىسى ەربول قاراشوكەەۆ جەكە باقىلاۋىنا العان.
ءبىرشاما ۋاقىت بۇرىن تاراز قالاسىنىڭ اكىمى باقىتجان ورىنبەكوۆ قوعامدىق كولىكتەردى جاڭارتۋ جۇمىسى ۇزدىكسىز جالعاسا بەرەتىنىن ايتقان ەدى. سونداي-اق تارازدا ايالدامالاردى جاڭالاۋ جۇمىسى دا قارقىندى تۇردە جۇرگىزىلىپ جاتىر.
وبلىس ورتالىعىندا قوعامدىق كولىكتەردى جاڭارتۋ, جاڭا باعىتتاردى ىسكە قوسۋ ماسەلەسى قالانى دامىتۋدىڭ ءۇش جىلدىق جوسپارىنا ەنگىزىلگەن. قالا بيلىگىنىڭ ىقپالىمەن بىرەر كۇن بۇرىن تارازعا تاعى 16 اۆتوبۋس جەتكىزىلدى.
«بيىل الەۋمەتتىك ماڭىزى بار قالالىق, قالا ماڭىنداعى جولاۋشىلار قاتىناستارى تىزبەسىنە ەنگىزىلگەن اۆتوبۋس باعىتتارىنىڭ شىعىنىن وتەۋ ماقساتىندا 4,8 ملرد تەڭگە سۋبسيديا قاراستىرىلعان بولاتىن. بۇدان بولەك, وبلىس ورتالىعىندا 75 ايالداما ورناتىلادى. البەتتە, بۇل از جۇمىس ەمەس. جالپى, قالاداعى قوعامدىق كولىكتەردى جاڭارتۋ جۇمىسىن ىلكى ساتكە دە توقتاتپايمىز. ءبىر سوزبەن ايتقاندا, تۇرعىنداردىڭ ءوتىنىشىن قاناعاتتاندىرۋ ماقساتىندا قولعا العان جۇمىس جالعاسادى», دەيدى تاراز قالاسىنىڭ اكىمى باقىتجان ورىنبەكوۆ.
تاراز قالاسى اكىمدىگىنىڭ ءباسپاسوز قىزمەتى كەلتىرگەن دەرەككە جۇگىنسەك, «اۆتوبۋس پاركى-2020» جشس ارنايى اكەلگەن «TEG» ماركالى سۋ جاڭا 16 اۆتوبۋس №55, №28 باعىتتاردا قىزمەت كورسەتەدى. قوعامدىق كولىكتىڭ ۇزىندىعى 9,5 مەتر بولسا, سىيىمدىلىعى 34 ادامعا شاقتالعان. سەرىكتەستىك سوڭعى ۋاقىتتا اۆتوبۋستاردى كورشىلەس قىتاي ەلىنەن اكەلە باستاعان.
«اۆتوبۋس پاركى-2020» جشس سوڭعى ۋاقىتتا قوعامدىق كولىكتەردى جاڭارتۋعا قاتىستى اۋقىمدى جۇمىس اتقارىپ جاتىر. جەرگىلىكتى اتقارۋشى بيلىك كەلتىرگەن مالىمەتكە جۇگىنسەك, سەرىكتەستىك بۇعان دەيىن №11, №34, №38, №46, №54, №55, №60, №61 باعىتتارعا قاتىنايتىن قوعامدىق كولىكتەردى 100 پايىز جاڭارتقان بولاتىن.
وبلىس ورتالىعىندا جولاۋشىلار كولىگى تاسىمالىن جانداندىرۋ, جەتىلدىرۋ, قالا تۇرعىندارىن قوعامدىق كولىكپەن تولىق قامتاماسىز ەتۋ ماقساتىندا ءوڭىر باسشىسى ەربول قاراشوكەەۆ قالا بيلىگىنە ناقتى تاپسىرمالار جۇكتەگەن.
وبلىس اكىمىنىڭ تاپسىرماسى اياسىندا 2023 جىلى قالاعا 73 بىرلىك جاڭا اۆتوبۋس جەتكىزىلسە, وسى جىلى سۋ جاڭا 133 اۆتوبۋس كەلگەن. قالا اكىمدىگىنىڭ ءباسپاسوز قىزمەتى كەلتىرگەن دەرەككە سەنسەك, جىل سوڭىنا دەيىن قوسىمشا 42 قوعامدىق كولىكتى جەتكىزىلەدى. اتقارىلعان جۇمىستىڭ ناتيجەسىندە وسى جىلعا جوسپارلانعان 70 اۆتوبۋس الۋ جونىندەگى مەجە ارتىعىمەن ورىندالىپ وتىر.
تاراز