بۇگىن ءماجىلىستىڭ جالپى وتىرىسىندا دەپۋتاتتار جاڭا زاڭ جوبالارىن جۇمىسقا الىپ, مەملەكەتتىك ناگرادالار تۋرالى زاڭعا وزگەرىستەر مەن تولىقتىرۋلار ەنگىزدى, دەپ جازادى Egemen.kz.
مەملەكەتتىك ناگرادالار تىزبەسىنەن قازاقستان رەسپۋبليكاسىنىڭ قۇرمەت گراموتاسى ۇعىمى الىنىپ تاستالدى.
ونىڭ ورنىنا ەل مۇددەسىن قورعاۋدا كورسەتكەن ەرلىگى, باتىرلىعى, قاھارماندىعى ءۇشىن جانە ادام ءومىرىن ساقتاپ قالۋعا بايلانىستى جاعدايلاردا قايتىس بولعاننان كەيىن مەملەكەتتىك ناگرادالارمەن ماراپاتتاۋ مۇمكىندىگىن زاڭنامالىق تۇرعىدان بەكىتەدى. ەندى «التىن القا» جانە «كۇمىس القا» تەك قازاقستان ازاماتتارىنا بەرىلەدى. وسىعان بايلانىستى انالاردان قازاقستان رەسپۋبليكاسى ازاماتتىعىنىڭ بولۋى تالاپ ەتىلەدى.
سونداي-اق, وردەندەر مەن مەدالداردى, توسبەلگىلەر مەن ولارعا ارنالعان قۇجاتتاردى تولىعىمەن نەمەسە سىرتقى ءتۇرى نە اتاۋىن مەملەكەتتىك ناگرادالارعا ۇقساس ەتىپ بەلگىلەۋگە جانە دايىنداۋعا تىيىم سالىنادى.