رەفەرەندۋمعا ازەربايجاننان – 13 ادام, پارلامەنتتەن – 6, ورتالىق سايلاۋ كوميسسياسىنان 7 ادام كەلدىك. قازاقستانداعى ديپلوماتيالىق ميسسيادان تاعى 3 ادام بار. ساعات 15.00-گە دەيىن 45 ۋچاسكەگە بارىپ, داۋىس بەرۋدى باقىلاپ ۇلگەردىك.
قازاقستان سايلاۋ قۇقىعى تولىق ىسكە اسىرىلىپ جاتقان ەلدىڭ جاقسى ۇلگىسى بولا الادى. ءار ۋچاسكەدە كەم دەگەندە 10 باقىلاۋشى كەزەكشىلىكتە بولدى, بۇقارالىق اقپارات قۇرالدارىنىڭ وكىلدەرى دە قاتىستى.
مەن ءبىر ۋچاسكەدە تۇرعىنداردىڭ كىشكەنتاي بالالارمەن بىرگە كەلگەنىن كورىپ قاتتى تاڭداندىم. ولار داۋىس بەرە المايتىندارى راس قوي, الايدا اتا-انالارى داۋىس بەرگەندە قۋانىشتى ءجۇزى بايقالدى. ءبىر ۋچاسكەدە ولار ءبىزدى بالالارمەن بىرگە سۋرەتكە ءتۇسىرىپ الدى. ۇلكەنى دە, كىشىسى دە داۋىس بەرۋدەن حاباردار, وسىنداي جاعدايلاردان قازاق حالقىنىڭ ەركىن ەكەنىن, ءوزىنىڭ ۇلەسىن قوسقىنى كەلەتىنىن اڭعارۋعا بولادى.
داۋىس بەرۋ بارىسىندا, ءتىپتى, بولماشى دا زاڭ بۇزۋشىلىق ورىن العان جوق. ۋچاسكەلەردە داۋىس بەرۋشىلەرگە بارلىق جاعداي جاسالعان. ەل تۇرعىندارى ءوز ەرىكتەرىمەن تاڭداۋ جاساعانىنا سەنىمدىمىن.
مازاير پاناحوۆ,
ازەربايجان ورتالىق سايلاۋ كوميسسياسىنىڭ توراعاسى