رەفەرەندۋم – «حالىق ۇنىنە قۇلاق اساتىن مەملەكەت» تۇجىرىمداماسىنىڭ ايقىن كورىنىسى. ماڭىزدى ماسەلەنى كوپ بولىپ شەشۋ, دۇرىس تاڭداۋ جاساۋ ماڭىزدى. العاشقىلاردىڭ ءبىرى بولىپ مەدەۋ اۋدانىندا ورنالاسقان №378 رەفەرەندۋم ۋچاسكەسىندە داۋىس بەردىم.
جالپى, دامىعان ەلدەردە وزەكتى ماسەلەنى وسىنداي اۋقىمدى كەڭەسۋ ارقىلى تالقىعا سالۋ ءجيى كەزدەسەدى. مىسالى, شۆەيتساريادا كەيىنگى ون جىلدا 18 رەت رەفەرەندۋم بولىپتى. امەريكانىڭ ازاماتتارى رەفەرەندۋمعا وتە بەلسەندى قاتىسادى. ەڭ ماڭىزدىسى – ولار ءاربىر سۇراققا دايىندالىپ, سول ماسەلەنى زەرتتەيدى. ءاربىر سۇراقتارىنا جاۋاپ دايىنداپ, جاۋاپ العان سوڭ بارىپ داۋىس بەرەدى. مەنىڭشە, ەلىمىزدە وزگە دە رەفەرەندۋمدار الدا ءالى كوپ بولماق. ويتكەنى ءبىز – دەموكراتيالىق مەملەكەتپىز. حالىق بولىپ رەفەرەندۋمدا داۋىس بەرۋگە ۇيرەنگەنىمىز ماڭىزدى. جالپى, ازاماتتارىمىزدا رەفەرەندۋم مادەنيەتى بولۋ كەرەك. مۇنداي ساياسي ناۋقاندارداعى ازاماتتىق بەلسەندىلىگىمىز قالىپتاسقان ەلگە اينالعانىمىز ابزال.
اقىلبەك كۇرىشباەۆ,
ۇلتتىق عىلىم اكادەمياسىنىڭ پرەزيدەنتى