مال ازىعى جەتكىلىكتى

اۋىل شارۋاشىلىعى باسقار­ماسى باسشىسىنىڭ ورىنباسارى تولەبەك قۇلەكەەۆتىڭ ايتۋىنشا, بيىل 523,4 مىڭ ءمۇيىزدى ءىرى قارا, 3,8 ملن ۋاق مال, 184,9 مىڭ جىلقى جانە 7,7 مىڭ تۇيە قىستاۋعا تۇسەدى. شارۋالاردىڭ ۋاقتىلى قامدانۋىنىڭ ارقاسىندا وڭىردە جەمشوپ قورى جەتكىلىكتى دەڭگەي­دە جينالعان. مال ازىعىن دا­يىن­داۋ جۇمىستارى ۋاقتىلى ءارى قارقىندى جۇرگىزىلگەن. بۇل ىسكە ون اۋداننىڭ جەرگىلىكتى اتقارۋشى بيلىگى دە جۇدىرىقتاي جۇمىلعان.

ء«وڭىر بويىنشا 2,6 ملن توننا پىشەن, 99 مىڭ توننا پىشەندەمە, 88 مىڭ توننا سۇرلەم, 470 مىڭ توننا سابان, 353 مىڭ توننا قۇنارلى جەم دايىنداۋ جوسپارلانعان ەدى. ۋاقتىلى باستالعان بۇل جۇمىس ءوز ناتيجەسىن بەرىپ وتىر. قىركۇيەك ايىنا دەيىن 303 مىڭ گەكتار جەردەگى ءشوپ شابىلىپ, قاجەتتى 2,6 ملن توننا پىشەن, 99 مىڭ توننا پىشەن­دەمە, 472,4 مىڭ توننا سابان جينالدى. بۇدان بولەك, مال ازىعى رەتىندە 152,8 مىڭ توننا ءداندى داقىل ءبولىندى. سۇرلەم جيناۋ جۇمىستارى دا جوسپارعا سايكەس جۇرگىزىلىپ جاتىر», دەيدى ت.قۇلەكەەۆ.

مال باققان شارۋالار بىلتىر ءار مالعا 12 تسەنتنەردەن مال ازىعىن جيناعان. سوعان قارا­ماس­تان جامبىلدىق شارۋالار قاھارلى قىس مەزگىلىنەن قىسىل­ماي شىقتى. ال بيىل ءاربىر شارت­تى مالعا 19 تسەنتنەردەن مال ازى­عى دايىندالىپ جاتىر. ازىر­­لەن­گەن مال ازىعىنىڭ باسىم بو­لىگى قىستاۋ ورىندارىنا جەت­كى­زىلۋدە.

ارنايى قۇرىلعان جۇمىس توبى بارلىق اۋدانعا جۇمىس ساپارىمەن بارىپ, دەر كەزىندە جينالعان جەمشوپ قورىنا زەردەلەۋ جۇمىسىن جۇرگىزەدى ەكەن. وڭىردە ءبىر ءتۇپ پىشەن 500-650 تەڭگە ارالىعىندا ساتىلسا, قۇنارلى جەمنىڭ ءبىر كيلوسى 60-68 تەڭگە كولەمىندە وتكەرىلىپ جاتىر.

ءوڭىر بويىنشا 5 862 مال قىس­تاتۋ ورنى بار. اتالعان قىس­تاق­­تاردىڭ 1 202-ءسى شالعايداعى جايى­­لىمداردا ورنالاسقان. مال­شى­لارعا ارنالعان 5 564 تۇرعىن ءۇي جوندەۋدەن وتكىزىلىپ جاتىر. بۇل ۇيلەر از كۇن ىشىندە مال­شى­­لاردى قابىلداۋعا تولىق­تاي ­دا­يىن بولادى.

ال مال ازىعى باعاسىنىڭ نە­گىز­سىز كوتەرىلمەۋىن ءوڭىر باسشىسى ەربول قاراشوكەەۆتىڭ ءوزى جەكە قاداعالاۋىنا الىپ وتىر.

جامبىل وبلىسى