قوعامدا كىتاپ وقۋدى ناسيحاتتاۋ, وقىرمان جاستار قاتارىن كوبەيتۋ ماقساتىندا «اmanat» پارتياسى مەن قازاقستان باسپاگەرلەر, پوليگرافيستەر جانە كىتاپ تاراتۋشىلار قاۋىمداستىعى بىرلەسىپ, رەسپۋبليكا كولەمىندە «كىتاپ-Amanat» كىتاپ ساۋدا جەلىسىن دامىتىپ جاتىر. ەلىمىزدىڭ بىرقاتار وبلىسى مەن ءىرى قالاسىندا «اmanat» پارتياسىنىڭ كەڭسەلىك عيماراتتارى جانىنان اشىلعان «كىتاپ-Amanat» دۇكەندەرىندەگى ءارتۇرلى مازۇنداعى ادەبيەتتەر, عىلىمي-تانىمدىق باسىلىمدار كىتاپسۇيەر قاۋىم ءۇشىن قولجەتىمدى.
جاقىندا حالىقارالىق ىنتىماقتاستىق پەن رۋحاني مادەنيەتتى دامىتۋعا باعىتتالعان ەۋرازيالىق كىتاپ دۇكەندەر جەلىسى اراسىندا وتكىزىلىپ تۇراتىن ءداستۇرلى بايقاۋدا «كىتاپ-Amanat» جوباسى جەڭىمپاز اتانىپ, تمد ەلدەرى اتقارۋ كوميتەتىنىڭ قۇرمەت گراموتاسىنا يە بولدى. ۇيىمداستىرۋشىلار بۇل جوبانىڭ ناۋقاندىق ءىس-شارا ەمەس, رۋحانياتقا, ادەبيەتكە, ۇلتتىق يدەولوگياعا تىكەلەي قىزمەت ەتەتىن جانە قازاق تىلىندەگى كونتەنت اياسىن كەڭەيتۋگە باعىتتالعان اۋقىمدى جوبا ەكەنىن ايتادى.
«حالقىمىزدىڭ ادەبي مۇراسىن كەڭىنەن ناسيحاتتاپ, جاستاردىڭ بىلىمگە, كىتاپقا دەگەن قىزىعۋشىلىعىن ارتتىرۋ, ۇلتتىق رۋحانياتتى جاڭعىرتۋ ماقساتىندا قولعا الىنعان «كىتاپ-Amanat» جوباسى كىتاپ ساتاتىن ورىندار سانىن ارتتىرۋعا عانا ەمەس, مادەنيەت پەن ءبىلىمنىڭ وشاعى, ينتەللەكتۋالدىق ورتالىقتاردىڭ كوبەيۋىنە ىقپال ەتەرى ءسوزسىز. قوعام دامىعان سايىن, جاڭا تەحنولوگيالار مەن ەلەكتروندى رەسۋرستار كۇندەلىكتى ءومىردىڭ اجىراماس بولىگىنە اينالىپ وتىر. وسى ورايدا كىتاپ دۇكەندەرىن ناسيحاتتاۋدا, دامىتۋدا جاڭا زامان تەحنولوگيالارىن دا ءتيىمدى پايدالانا وتىرىپ, «كىتاپ-Amanat» جوباسى ارقىلى كىتاپ تاراتۋ جەلىسىن دامىتپاقشىمىز» دەيدى قازاقستان باسپاگەرلەر, پوليگرافيستەر جانە كىتاپ تاراتۋشىلار اسسوتساتسياسىنىڭ پرەزيدەنتى ءادىل قويتانوۆ.
كىتاپ وقۋ تانىمعا, ىزدەنىسكە دەگەن قۇلشىنىستى وياتۋىمەن ەرەكشەلەنسە كەرەك-ءتى. ۇيىمداستىرۋشىلار «كىتاپ-Amanat» ساۋدا نۇكتەسى عانا ەمەس, كىتاپسۇيەرلەر كلۋبىنا اينالدىرۋدى كوزدەيدى. جوبا اياسىندا ۇلتتىق ءھام الەمدىك ادەبيەتكە دەگەن قىزىعۋشىلىقتى ارتتىرىپ, قوعامدى كىتاپ وقۋعا ىنتالاندىرۋ, وتاندىق اۆتورلاردى قولداي وتىرىپ, ايماقتاعى اقىن-جازۋشىلارمەن ءتۇرلى فورماتتاعى كەزدەسۋلەر, جاڭا كىتاپتاردىڭ تۇساۋكەسەرىن وتكىزۋ قولعا الىنعان.
سوڭعى جىلدارى ەلىمىزدە گازەت-جۋرنال, كىتاپ ساتاتىن دۇڭگىرشەكتەردىڭ تۇراقتى جۇمىس ىستەمەۋى, ءتىپتى جابىلىپ قالۋى دا وقىرمانداردى الاڭداتادى. وسىعان وراي قازاق تىلىندەگى گازەت-جۋرنالداردى دا وسى دۇكەندەر جەلىسى ارقىلى ساتىلىمعا شىعارۋ كوزدەلىپ وتىر.
بۇگىندە «كىتاپ-Amanat» كىتاپ دۇكەندەرى الەۋمەتتىك جەلىدە دە كەڭىنەن ناسيحاتتالىپ جاتىر. ارنايى سايتى, ءىnstagram جانە facebook پلاتفورمالارىندا پاراقشاسى بار. وقىرماندار وسى پلاتفورمالار ارقىلى كەلىپ تۇسكەن جاڭا كىتاپتار, ءارتۇرلى بايقاۋلار, جەڭىلدىكتەر, كەزدەسۋلەر مەن كونفەرەنتسيالار, تاعى دا باسقا ءىس-شارالار تۋرالى حاباردار بولىپ وتىرادى.
الماتى