سارىكەمەردەگى قونىستوي

جەرگىلىكتى اتقارۋشى بيلىك اۋدان ورتا­لىق­تارىندا تۇ­را­تىن حالىقتى پاتەرمەن قام­تا­ماسىز ەتۋ ماقساتىندا دا اۋقىم­دى جۇمىستى قولعا العانىن ايتا كەتكەن ءجون. ماسەلەن, ءبىرشاما ۋاقىت بۇرىن تۇرار رىسقۇلوۆ اۋدانىنىڭ ورتالىعى قۇلان اۋىلىنداعى «اراي» شاعىن اۋدا­نىندا كوپپاتەرلى تۇرعىن ءۇي پايدالانۋعا بەرىلىپ, كەزەكتە تۇرعان ازاماتتار جاڭا پاتەردىڭ كىلتىن الىپ, مارقايىپ قالدى.

كۇنى كەشە بايزاق اۋدانى­نىڭ ورتالىعى سانالاتىن سارى­كەمەر اۋىلىندا 240 پاتەرلى 4 كوپقاباتتى تۇرعىن ءۇي پاي­دا­لانۋعا بەرىلدى. جاڭا پاتەر يە­لە­رىن قۋانىشىمەن قۇتتىقتاي بار­عان ءوڭىر باسشىسى ەربول قارا­شوكەەۆ كەزەكتە تۇرعان تۇر­عىن­داردىڭ باسپانا ماسەلەسىن شەشۋ نەگىزگى مىندەتتەردىڭ ءبىرى ەكەنىن اتاپ ءوتتى. سونداي-اق ول بۇل باعىتتاعى جۇمىس الداعى ۋاقىتتا دا جالعاساتىنىن تىلگە تيەك ەتتى.

ء«دال بۇگىن وتباسىمىزبەن بىرگە زور قۋانىشقا كەنەلىپ وتىرمىز. ون جىلعا جەتەعابىل ۋاقىت بويى تۇرعىن ءۇي كەزەگىندە تۇردىم (اللانىڭ قالاۋىمەن). بۇگىن ءۇش بولمەلى پاتەر كىلتىن الىپ, كوڭىل كوككە ۇشىپ, مار­قايىپ وتىرعان جايىمىز بار. اۋىل حالقىنىڭ ماسەلەسىن شە­شۋگە ىقپال ەتىپ وتىرعان باس­شى­لارعا ايتار العىسىمىز شەكسىز. بۇل – كوپبالالى وتباسىلار ءۇشىن ۇلكەن دەمەۋ», دەيدى سەگىز بالانى تاربيەلەپ وتىرعان انا ناعيما ەدىلحانقىزى.

وبلىس اكىمدىگىنىڭ ءباسپاسوز قىزمەتى كەلتىرگەن دەرەككە جۇ­گىنسەك, ءال-فارابي شاعىن اۋدانىندا بوي كوتەرگەن 4 تۇرعىن ۇيدە 1 بولمەلى – 80, 2 بولمەلى – 80, 3 بولمەلى 80 پاتەر بار ەكەن. جەرگىلىكتى اتقارۋشى بيلىك ءبىرىنشى كەزەكتە كوپبالالى, تولىق ەمەس وتباسىلاردىڭ, سونداي-اق اتا-اناسىنىڭ قام­قورلىعىنان تىس قالعان بالا­لاردىڭ جانە بيۋد­­جەت­تىك سالا قىزمەتكەرلەرىنىڭ ءوتىنى­شىن قانا­­عاتتاندىرۋ تۋرالى شەشىم قابىلداعان.

جالپى العاندا, وبلىس ورتا­لى­عىنىڭ ىرگەسىندە ورنالاسقان بايزاق اۋدانىندا 3 مىڭنان استام ازامات تۇرعىن ءۇي كەزەگىندە تۇر ەكەن. ولاردىڭ ماسەلەسىن كە­زەڭ-كەزەڭىمەن شەشۋ ماقساتىن­دا اۋقىم­دى جۇمىس اتقارىلىپ جاتىر.

جەرگىلىكتى جۇرتتى باسپانامەن قامتاماسىز ەتۋ ءۇشىن 2023 جىلى 4 تۇرعىن ءۇيدىڭ قۇرىلىس جۇمىسى قولعا الىنسا, وسى جىلى 120 پاتەر ساتىپ الۋ كوزدەلگەن. بۇدان بولەك, بىرنەشە جىل بۇرىن اۋدانداردا باستالعان «اسارلاتىپ ءۇي سالۋ» جوباسى دا توقتاماق ەمەس. سول جوبا اياسىندا 15 ازاماتقا باسپانا سالۋ بويىنشا جۇمىس قارقىن العان.

ء«وڭىر حالقىن باسپانامەن قامتاماسىز ەتۋدىڭ ماڭىزى وراسان زور ەكەنى بەلگىلى. سول ءۇشىن دە جەرگىلىكتى اتقارۋشى بيلىك وكىلدەرى تىنىمسىز ەڭبەك ەتىپ ءجۇر. قازىرگى كەزدە قۇرىلىس جۇمىسى جۇرگىزىلىپ جاتقان 2 909 پاتەرلى 56 تۇرعىن ءۇيدىڭ 51-ءىن وسى جىلدىڭ سوڭىنا دەيىن پايدالانۋعا بەرۋدى جوسپارلاپ وتىرمىز.

جەرگىلىكتى جاستاردىڭ پاتەرلى بولۋىنا دا مۇمكىندىكتەر قاراس­تىرىلعان. «اۋليەاتا جاستارى» باع­­دار­لاماسى وسى جىلى دا جال­­­­­عا­ساتىنىن ايتا كەتكەن ءجون. ناق­­تىراق ايتساق, بيىل 140 جاس ما­مان قونىستويىن تويلايدى. وتكەن جىلى دا ءبىراز جاس تۇرعىن ۇيمەن قامتىلعان بولاتىن.

وبلىس بويىنشا تۇرعىن ءۇي قۇرىلىسىن جۇرگىزۋگە, پا­تەر ساتىپ الۋعا 40,8 ملرد تەڭ­گە قا­راجات قاراستىرىلعان. بۇل كور­­­­سەتكىش وتكەن جىلمەن سالىس­تىر­­­­عاندا ەكى ەسەگە ارتىپ وتىر.

وبلىس ورتالىعى تاراز قالا­سىنان بولەك, سارىسۋ, تۇرار رىسقۇلوۆ, شۋ اۋداندارىندا 5,9 ملرد تەڭگەگە 79 كوپپاتەرلى تۇرعىن ۇيگە كۇردەلى جوندەۋ جۇ­مىسى جۇرگىزىلەدى. تۇسىنگەنگە بۇل از جۇمىس ەمەس. كوپبالا­لى وتباسىلار مەن حالىقتىڭ الەۋمەتتىك وسال توپتارىن باس­پانامەن قامتۋ ماقسا­تىندا وبلىس بويىنشا 23,5 ملرد تەڭگەگە 1 575 پاتەر ساتىپ الۋ­دى جوس­پارلاپ وتىرمىز», دەيدى ءوڭىر باسشىسى.

راسىندا دا, كەيىنگى جىلدارى كەزەكتە تۇرعان ءوڭىر حالقىن باسپانامەن قامتۋ باعىتىندا اۋىز تولتىرىپ ايتارلىقتاي جۇمىستار اتقارىلىپ جاتقانى كوڭىل قۋانتادى. بايزاقتا بولسىن, قاي جاقتا بولسىن, قولعا العان بۇل جۇمىس ىلكى ساتكە دە توقتاماق ەمەس.

جامبىل وبلىسى,

بايزاق اۋدانى