ساڭلاقتارعا قۇرمەت كورسەتتى

جامبىلدىق سپورت جان­كۇيەرلەرى الدىمەن نۇرداۋلەت جۇماعاليدى «اۋليەاتا» اۋە­جايىنان زور قوشەمەتپەن قا­ر­سى الدى. سالتاناتتى ءىس-شارادا ءسوز العان ءوڭىر باسشىسى ە.قاراشوكەەۆ تورت­جىلدىقتىڭ باستى دوداسىندا كۇمىس جۇلدە يەلەنگەن جامپوزدى تولايىم تابىسىمەن قۇتتىقتادى.

«جاھان جۇرتى كوز تىككەن بايراقتى باسەكەدە ەل مەرەيىن اسىردىڭ. سەنىڭ بۇل تابىسىڭا جەرلەستەرىڭ دە قاتتى قۋاندى. ءبىز سەنى ماقتان تۇتامىز. الەم جۇرتى اسىعا كۇتكەن ايتۋلى الاماندا ەرىك-جىگەرىڭدى كورسەتتىڭ, تاباندىلىق تانىت­تىڭ. پارا­ليمپيادا ويىن­دارىنىڭ ەكى دۇركىن كۇمىس جۇلدەگەرى اتانۋىڭ­مەن شىن جۇرەكتەن قۇتتىق­تايمىن. وليم­پيادا چەمپيونى ەلدوس سمەتوۆتىڭ جەڭىستى جولىن جال­عاپ, كەلەسى پاراليمپيادا ويىندارىنىڭ چەمپيونى بو­لۋى­­ڭا تىلەكتەسپىن», دەدى ءوڭىر باس­­شىسى.

ءىس-شارا بارىسىندا وبلىس باسشىسى دەمەۋشىلەر اتىنان نۇرداۋلەت جۇماعاليگە ەكى بول­مە­لى پاتەر كىلتىن تابىستادى. سونداي-اق «Tayota camry 75» اۆتو­كولىگىنىڭ كىلتىن تاپسىردى.

بۇل كۇنى ءىرى الامانداردا توپ جارىپ جۇرگەن ساڭلاقتىڭ جەكە جات­تىقتىرۋشىسى ساتتار بەيسەمباەۆقا دا قۇرمەت كور­سەتىلدى. تۇڭعىش پار­اليم­پيادا چەمپيونى, ءجۇزۋ سپورتىنىڭ شەبەرى ءزۇلفيا عابيدۋللينا مەن نۇرداۋلەت جۇماعاليدى جەڭىس­تىڭ بيىك تۇعىرىنا باستاپ جۇر­گەن باپكەرگە «Haval M6» اۆتو­كولىگى تارتۋ ەتىلدى.

پاراليمپيادا ويىندارىنا جامبىل وڭىرىنەن ءتورت سپورتشى قاتىستى. سولاردىڭ ىشىندە پارا ءجۇزۋ شەبەرى نۇرداۋلەت جۇماعالي براسس ادىسىمەن 100 مەتر قاشىقتىققا جۇزۋدە كۇمىس جۇلدە يەگەرى اتاندى.

ءوڭىر باسشىسى استانا تو­رىن­دە وتكەن V دۇنيەجۇزىلىك كوش­پە­لىلەر ويىندارىندا ۇزدىك شىق­قان جامبىلدىق ساڭ­لاق­تاردى قا­بىلداپ, ەل نامىسىن ابىرويمەن قورعاعان سايىپ­قى­ران­دارعا لا­يىقتى تۇردە قۇرمەت كورسەتتى.

كوشپەلىلەر ويىندارىنا وڭىردەن 17 سپورتشى قاتىستى. ولار 7 التىن, 7 كۇمىس, 3 قولا جۇلدەنى قورجىنعا ءتۇسىردى. دۋى باسىم دودادا ۇزدىكتەر قاتارىنان كورىنگەن سايىپقىرانداردىڭ بارلىعىنا قارجىلاي سىي-سياپات تابىستالدى.

جامبىل وبلىسى