الماتىداعى №7 قالالىق كلينيكالىق اۋرۋحانا دارىگەرلەرى جامباستىڭ ءتۋابىتتى كەسەلىنىڭ كەسىرىنەن مۇگەدەكتىككە دۋشار بولعان 28 جاستاعى كەلىنشەككە قايتالان بەرمەيتىن ەرەكشە كۇردەلى وپەراتسيا جۇرگىزىپ, جىلدار بويى جانىن قيناعان اۋرۋدان ايىقتىردى, دەپ حابارلايدى Egemen.kz.
ناۋقاس ءتۋابىتتى ديسپلازيا, جامباس بۋىنىنىڭ كەمىستىگى, جامباستىڭ جوعارعى جاعىنىڭ شىعىپ كەتۋى سىندى دياگنوزدارمەن ءومىر ءسۇرىپ كەلگەن. وسى دەتتتىڭ سالدارىنان ءبىر اياعى ەكىنشىسىنەن 10 سم قىسقارىپ, ءومىر بويى اياعىن سىلتىپ باساتىنىن ايتادى. وعان قوسا, ناۋقاستىڭ سوڭعى كەزدە تىزە بۋىندارى, جىلىنشىگى اۋىرىپ, اياقتارىنىڭ قوزعالۋى قيىنداعان. ۋاقىت وتە كەلە جامباسى قيسايىپ بەل اۋرۋىنا دۋشار بولىپتى.
جەتىنشى اۋرۋحانانىڭ تراۆماتولوگ-ورتوپەد ماماندارى كونسيليۋم ۇيىمداستىرىپ, ناۋقاسقا وتا جاساۋ تۋرالى شەشىم قابىلدادى.
ء«بىز سۇيەك قالىبىن رەتتەۋگە ارنالعان وستەوتوميا ءادىسىن قولداندىق. پاتسيەنتتىڭ اياعىن سوزىپ ۇزارتىپ, شەتەلدە شىعارىلعان زاماناۋي ەندوپروتەز ورناتىلدى. 28 جىل ءومىرىن وسى دەرتپەن الىسۋعا ارناعان ناۋقاس وپەراتسيادان كەيىن ەكىنشى كۇنى-اق اياققا تۇردى, ارنايى قۇرىلعىنىڭ كومەگىمەن ءجۇرىپ-تۇرا باستادى. ومىرگە قۇلشىنىسى ارتىپ, كوڭىل-كۇيى كوتەرىلگەن پاتسيەنتتەردى كورۋ ءبىز ءۇشىن دە ۇلكەن باقىت», دەيدى اۋرۋحانانىڭ پوليجاراقات بولىمشەسى مەڭگەرۋشىسى رامازان اسكەروۆ.
دارىگەردىڭ ايتۋىنشا, بۇل وتە كۇردەلى وتا. سەبەبى وپەراتسيا بارىسىندا بۋىن مەن جۇيكە جۇيەسىنىڭ زاقىمدانۋ قاۋپى تۋىندايدى. ونىڭ ۇستىنە, اياقتى سوزىپ ۇزارتقان كەزدە قۇيىمشاقتاعى نەرۆ قىسىلىپ, بۋىندار ءۇزىلىپ كەتۋ قاۋپى جوعارى بولاتىن.
«جالپى, اسقان بىلىكتىلىك پەن دالدىكتى, ەپتىلىكتى تالاپ ەتەتىن مۇنداي حيرۋرگيالىق وپەراتسيالار وتە سيرەك جاسالادى», دەيدى مامان.
باس-اياعى 5 ساعاتقا سوزىلعان بىرەگەي وپەراتسيا مىندەتتى الەۋمەتتىك مەديتسينالىق ساقتاندىرۋ ەسەبىنەن جاسالدى.