استانادا قايىرىمدى ىستەر مارافونى ءالى دە جالعاسىپ جاتىر. يگىلىكتى ءىس-شارا اياسىندا كونستيتۋتسيا كۇنى مەرەكەسى قارساڭىندا قالاداعى الەۋمەتتىك جاعىنان از قامتىلعان وتباسىلارعا ازىق-ت ۇلىك قوراپتارى تاراتىلدى, دەپ حابارلايدى Egemen.kz ەلوردا اكىمدىگىنىڭ رەسمي سايتىنا سىلتەمە جاساپ.
استانا قالالىق اكىمدىگى مەن «استانا جاستارى» ەرىكتىلەرى «Petro Retail» كومپانياسىنىڭ Qazaq oil برەندىمەن بىرلەسىپ وتكىزگەن بۇل قايىرىمدىلىق ءىس-شاراسىندا ەلوردانىڭ ءار اۋداندارىنداعى از قامتىلعان, كوپبالالى, مۇمكىندىگى شەكتەۋلى بالا تاربيەلەپ وتىرعان وتباسىلارعا 1000 قوراپ ازىق-ت ۇلىك تاراتىلدى. ءىس-شاراعا 100-گە جۋىق ەرىكتى قاتىستى.
«كونستيتۋتسيا كۇنىنە وراي وتكىزىلىپ وتىرعان بۇل قايىرىمدىلىق ءىس-شاراسى 3 جىلدان بەرى وتكىزىلىپ كەلەدى. ءداستۇرلى تۇردە وتكىزىلىپ كەلە جاتقان ءىس-شارا اياسىندا قازىرگە دەيىن 7000-عا جۋىق ازىق-ت ۇلىك سەبەتتەرى تاراتىلدى. بۇگىن دە باس قالاداعى اۋدانداردىڭ مۇقتاج وتباسىلارىنا 1000 قوراپ ازىق-ت ۇلىك جەتكىزىلدى. ونىڭ ىشىندە ۇن, كۇرىش, ءسۇت, اس مايى سياقتى ازىق-ت ۇلىكتەر بار. مۇنداي قايىرىمدىلىق ءىس-شارالارى مەملەكەتتىك جانە ۇلتتىق مەرەكەلەردە ۇدايى وتكىزىلىپ كەلەدى», دەدى استانا قالاسى «استانا جاستارى» كوممۋنالدىق مەملەكەتتىك مەكەمەسىنىڭ قىزمەتكەرى ولجاس حاميتوۆ.
الماتى اۋدانىنىڭ تۇرعىنى گۇلزيا كاشكوۆا اتالعان ءىس-شارانى ۇيىمداستىرۋشىلارعا زور ريزاشىلىعىن ءبىلدىردى.
«مەرەكە سايىن كومەكتەسىپ, جاعدايىمىزدان حاباردار بولىپ تۇرادى. جاڭا وقۋ ماۋسىمى باستالاتىن كەزدە دە بالالارىمىزعا وقۋ قۇرالدارىن, جەتكىزىپ بەرەدى. بۇل دا مەن سياقتى مۇمكىندىگى شەكتەۋلى بالا تاربيەلەپ وتىرعان وتباسىلارعا ۇلكەن مەدەۋ. العىستان باسقا ايتارىمىز جوق», دەدى گۇلزيا كاشكوۆا.
مۇنداي اكتسيا استانادا جىل سوڭىنا دەيىن ۇيىمداستىرىلادى.