اۋرەگە باستايتىن اۋەستىك

جىل باسىنان بەرى ەسىرت­كى اينالىمىنان 200 كيلو 776,57 گرامم تار­كىلەنگەن. زاڭسىز ەسىرتكى اينالىمىنان الىنعان زاتتاردىڭ ىشىندە ماريحۋانا – 190 كيلودان اسا, گەروين – 1,06, گاشيش – 275,5721, سينتەتيكالى 1 كيلو 8,7292 گرام تار­كى-لەنگەن.

پوليتسيا قىزمەتكەرلەرى ەسىرت­كىگە شالدىققانداردىڭ جاسى جىل وتكەن سايىن جاسارىپ كەلەتىنىن ايتىپ, دابىل قاعىپ وتىر. «جاس­تاردى الدايتىن دا, اربايتىن دا ەسىرتكىنى زاڭسىز ساتۋشىلار مەن وسىرۋشىلەر. جاسوسپىرىمدەر ارا­سىنداعى ناشاقورلىققا سالىنۋ­دىڭ سەبەپتەرى سان ءتۇرلى. ەسىرتكىنى زاڭسىز ساتقاندار مەن ۇيىندە وسىر­گەندەر قاماۋعا الىنىپ جاتسا دا, وزگەلەرگە ساباق بولماي وتىرعانى قىنجىلتادى», دەيدى ا.بۋرحانوۆ.

– ەسىرتكىسىز قوعام قۇرۋ – ەلدەگى ءاربىر ازاماتتىڭ الدىنداعى مىن­دەت. ەسىرتكىنىڭ, ونىڭ ىشىندە سين­تەتيكالىق ەسىرتكى زاتتارىنىڭ تارالۋى بولاشاق ۇرپاقتىڭ ءال-اۋقاتىنا قاۋىپ توندىرەتىنى بارى­ڭىزگە بەلگىلى. وسىعان وراي مەكتەپتەردە ەسىرتكىگە قاتىستى ءتۇرلى ءىس-شارا كوپتەپ وتكىزىلىپ كەلەدى. جاسوسپىرىمدەرگە ەسىرتكىنىڭ زيا­نى تۋرالى ايتىلاتىن پايدالى جيىنداردى وتكىزۋ ارقىلى ولاردىڭ ەسىرتكىگە تاۋەلدى بولماۋ جولدارىنىڭ الدىن الۋعا بولادى. بۇگىندە وبلىستىق ءبىلىم بەرۋ وشاقتارىندا ءتۇرلى سەمينار, ءدارىس, دوڭگەلەك ۇستەل, سونداي-اق اتا-انالاردىڭ قاتىسۋىمەن ءىس-شارالار ۇيىمداستىرۋ داستۇرگە اينالعان. ءبىز كۇش بىرىكتىرۋدىڭ ارقاسىندا وسكەلەڭ ۇرپاققا وڭ ىقپال ەتىپ, سالاماتتى بولاشاقتى قامتاماسىز ەتۋگە ۇمتىلۋىمىز قاجەت, – دەدى ول ءوز سوزىندە.

اتا-اناسى اۋقاتتى جاس­وسپى­رىمدەردى ەسىرتكىگە اۋەستەندىرۋ – ناشاقورلار مەن ەسىرتكى ساتۋ­شى­لاردىڭ باستى كوزدەگەنى وسى. ولار الدىمەن ناشا شەگۋدى نەمەسە ەستەن تاندىراتىن ءدارى ءىشۋدى ۇسىنادى. ەلىكتەگىش جاستار باستاپقىدا تەك ءدام تاتىپ كورۋى مۇمكىن. ولاردىڭ ءبىرى قىزىق كورۋدى قالاسا, ەكىنشىسى باسقالاردان قالماۋدى, تاعى ءبىرى ءوزىن ەرەسەك كورسەتكىسى كەلسە, ەندىگى ءبىرى قيىندىقتان قاشىپ, ءلاززات الامىن دەپ ويلايدى. بارا-بارا ءجاسوسپىرىم ناشاقورعا اينالادى.

– جاستار اراسىنداعى ەسىرتكى­گە اۋەستىك كوبىندە بىلمەستىكتەن باس­تالادى. جاسوسپىرىمدەر قورشاعان ورتاسىنىڭ كەرى اسەرىنە يلانعىش كەلەدى. ءىس-ارەكەتىنىڭ سالدارىن دۇرىس بولجاماۋ, جەڭىلتەكتىك, مىنەز-ق ۇلىق پەن دۇنيەتانىمنىڭ تولىق قالىپتاسپاۋى, سەنگىشتىك, ەلىكتەۋ – ەسىرتكىنىڭ ءدامىن كورۋدى تۋدىراتىن سەبەپتەر. «توپتىق پسيحولوگيا» دەگەن ۇعىم بار. جاستار اراسىندا بىرەۋى ەسىرتكى نەمەسە شاراپتىڭ ءدامىن تاتقان بولسا, ۋاقىت وتە توپتىڭ وزگە مۇشەلەرى دە ەسىرتكى مەن الكوگولگە اۋەستەنە باستايدى, – دەيدى ا.بۋرحانوۆ.

جاقىندا ءتارتىپ ساقشىلارى سكۋتەر مىنگەن جىگىتتەن مەفەدرون­نىڭ 200-دەن اسا دوزاسىن تاركىلە­گەن. جەدەل-ىزدەستىرۋ شارالارى بارىسىندا سينتەتيكالىق ەسىرتكى قويىپ كەتۋشى – شىمكەنت قالا­سىنىڭ تۇرعىنى ۇستالادى. جەدەل ۋاكىلدەر سكۋتەر مىنگەن جىگىت­تى تەك­سەرۋ كەزىندە ونىڭ سوم­كەسى مەن قالتاسىنان 130-دان اسا سينتە­تيكا­لىق ەسىرتكى سالىنعان وراما تاپقان. ال كۇدىكتىنىڭ ءۇيىن ءتىنتۋ كەزىندە سينتەتيكاعا, سونداي-اق گاشيش پەن ماريحۋاناعا ۇقساس ۇنتاق زاتى بار 8 وراما تابىلعان. تاركىلەنگەن سينتەتيكالىق ەسىرتكى مەفەدروننىڭ 200 دوزاسىن قۇ­رايدى. قازىرگى ۋاقىتتا بۇل فاكتى بويىنشا قىلمىستىق ءىس قوزعالىپ, تەرگەۋ جۇرگىزىلىپ جاتىر.

«قازىرگى تاڭدا, جاستار تاسىمالداۋ قىزمەتىندە جۇمىس ىستەپ اقشا تابۋعا اۋەس. جۇمىسقا العان ادام العاشىندا قانداي زاتتى تاسىمالدايتىنىن ايتپاۋى دا مۇمكىن. ءاربىر زاتتى اپارىپ, جاسىرىپ قويىپ كەتكەنىنە قوماقتى قارجى الىپ جۇرگەن جەتكىنشەك ەرتەڭگى كۇنىن ويلامايدى. ەسىرتكى زاتىن تاسىمالاعانى ءۇشىن زاڭ الدىندا جاۋاپ بەرەتىنىن ەسىنەن شىعارىپ الىپ جاتاتىن جاستار دا بار», دەيدى ماماندار.

وسىعان وراي وڭىرلىك ءتارتىپ ساقشىلارى وقۋشىلار مەن ستۋدەنتتەر اراسىندا ەسىرتكىنىڭ زيانى جا­يىندا تۇسىندىرمە جۇمىسىن ۇدايى قولعا الىپ كەلەدى. سونىمەن قا­تار ەسىرتكىگە قاتىستى قىلمىس پەن قۇقىق بۇزۋشىلىقتاردى انىق­تاۋ ماقساتىندا ينتەرنەت كەڭىستىگىن­دە مونيتورينگ جۇرگىزىلىپ كەلەدى. سونىڭ ىشىندە حابارلاما جىبەرۋ ارقىلى پسيحوبەلسەندى زاتتاردىڭ جارناماسىن تاراتۋ فاكتىلەرىن انىقتاۋعا ەرەكشە نازار قويىلىپ وتىر. وسىنداي جۇيەلى جۇمىس­تىڭ ناتيجەسىندە سينتەتيكالىق ەسىرتكى تاراتقان 150 اقپاراتتىق سايت بۇ­عاتتالسا, الدىن الۋ ءىس-شارالارى بارىسىندا ەسىرتكىگە تاۋەلدىلەردىڭ سانى تومەندەگەن.

راۋشان ناربەك

تۇركىستان وبلىسى