زاڭسىز كاسىپتىڭ جولىن كەستى

تاراز قالاسىنداعى «Smoking shop» جەراستى دۇكەنىنەن 113 ەلەكتروندى ۆەيپ تابىلعان. پو­لي­تسيا قىزمەتكەرلەرىنىڭ جەدەل ارەكەت ەتۋىنىڭ ارقاسىندا قۇنى ءبىر ميلليون تەڭگەدەن اساتىن ەلەكتروندى تەمەكى تاركىلەندى. وسىلايشا, تاعى ءبىر زاڭسىز كاسىپ­تىڭ جولى كەسىلدى.

وبلىستىق پوليتسيا دەپار­تا­مەنتىنىڭ ءباسپاسوز قىزمەتى كەلتىرگەن دەرەككە سەنسەك, قۋاتى 8 000 مارتە تارتۋعا ارنالعان «Waka» ماركالى ەلەكتروندى تەمەكىسىنىڭ ءبىر داناسى تۇر­­عىندارعا 10 000 تەڭگەدەن وتكە­­­رىلگەن ەكەن. 

قازىرگى كەزدە 45 جاستاعى تاراز­دىق ازاماتقا قاتىستى ۆەيپ­تى ەل ىشىندە تاراتۋ دەرەگى بو­يىنشا سوتقا دەيىنگى تەرگەۋ امال­دارى باستالعان. كۇدىكتى ءوز كىن­ا­سىن تولىق مويىنداپ وتىر. جالپى, ۆەيپتى زاڭسىز ساۋدا اينالىمىنا شىعارعاندار بۇعان دەيىن دە انىقتالعان بولاتىن. بىراق زاڭسىز كاسىپپەن اينالىساتىنداردىڭ قاراسى ءالى دە سيرەيتىنگە ۇقسامايدى. زاڭ جۇزىندە توسقاۋىل قويىلسا دا, ەلەكتروندى تەمەكى تۇتىنۋ­­شىلارىن كوشەلەردەن ءجيى كورىپ قالامىز.

«ەلەكتروندى تەمەكى ساۋداسىمەن اينالىسقان ازاماتتار ويلانۋى كەرەك. بۇرىن مۇنداي ءونىمدى ساتقان كاسىپكەرلەر ەندىگارى تاۋاردى جويۋ بويىنشا ءىس-شارا جۇرگىزىپ, جەكە بيزنەسىن قايتا قاراعانى ءجون. ويتكەنى بۇل – زاڭسىز كاسىپ. زاڭ جۇزىندە تىيىم سالىنعان كاسىپپەن اينالىسۋعا بولمايدى», دەيدى وبلىستىق پوليتسيا دەپارتامەنتى ەسىرتكى قىلمىسىنا قارسى ءىس-قيمىل باسقارماسىنىڭ باسشىسى ءالىم باجىقباەۆ.

وبلىستىق پوليتسيا دەپارتا­­مەنتىنىڭ ءباسپاسوز قىزمەتى كەل­تىرگەن دەرەككە جۇگىنسەك, وسى جىلدىڭ 20 ماۋسىمىنان باس­تاپ ەل ىشىندە ەلەكتروندى تەمەكى, ياعني ۆەيپتى ساتۋعا, تاراتۋعا زاڭ جۇزىندە تىيىم سا­لىنعان. زاڭسىز كاسىپپەن اينالىسقاندار قىلمىستىق جاۋاپكەرشىلىككە تارتىلادى. مۇنداي زاڭسىزدىققا جول بەرگەندەر 200 اەك كولەمىندە ايىپپۇل تولەيدى نەمەسە 200 ساعاتقا دەيىن قوعامدىق جۇمىستارعا تارتىلادى. سونداي-اق 50 تاۋلىككە دەيىنگە مەر­­­زىمگە قاماۋعا الۋ تۇرىندەگى جازا كوزدەلگەن.

جامبىل وبلىسى