جەلىدە الماتىداعى تۇرعىن ءۇي كەشەندەرىنىڭ بىرىندە ەر ادام 10 جاستاعى بالانى ۇرىپ-سوققانى بەينەلەنگەن ۆيدەو تاراپ ءجۇر. وقيعا تۇرعىن ۇيدەگى ليفتىدە بولعان, دەپ حابارلايدى Egemen.kz.
بەينەروليكتە وقيعا 23 شىلدە كۇنى 14:36-دا بولعانى جازىلعان. قۇقىق قورعاۋ ورگاندارى اتالعان وقيعاعا بايلانىستى تەرگەۋ جۇرگىزىلىپ جاتقانىن ءمالىم ەتتى.
«ەر ادام انىقتالىپ, پوليتسياعا جەتكىزىلدى. ونىڭ ارەكەتىنە قۇقىقتىق باعا بەرىلەدى. وزگە مالىمەتتەر انىقتالىپ جاتىر», دەپ حابارلادى قالالىق پد ءباسپاسوز قىزمەتى.