ەلىمىزدە زورلىق-زومبىلىقتان زارداپ شەككەن بالالارعا ارنايى كومەك باعدارلاماسى ەنگىزىلىپ جاتىر. ماقسات – زورلىق-زومبىلىققا, قاتىگەزدىككە, بۋللينگكە ۇشىراعان, سونداي-اق قىلمىسقا كۋا بولعان بالالارعا ۋاقتىلى جاردەم بەرۋ. باستامانى وقۋ-اعارتۋ مينيسترلىگى جۇزەگە اسىرادى.
باعدارلاما جاسوسپىرىمدەردىڭ ەموتسيالىق, كوگنيتيۆتىك جانە مىنەز-قۇلقىنداعى سالداردى ەڭسەرۋگە باعىتتالعان. وندا ارنايى كومەك كورسەتۋ الگوريتمى جانە مەديتسينالىق, پسيحولوگيالىق, پەداگوگيكالىق, الەۋمەتتىك جانە قۇقىقتىق نەگىزدەر قامتىلادى. ءارى باعدارلاما شەڭبەرىندە كامەلەتكە تولماعانداردان بولەك, ولاردىڭ اتا-انالارىنا دا بىرىڭعاي ادىستەمە ازىرلەنەدى.
– ءار بالا زورلىق-زومبىلىقتان قورعالۋعا ءتيىس. بۇل باعدارلامانىڭ قابىلدانۋى مەملەكەت پەن قوعامنىڭ بالا قۇقىعىن قورعاۋ جانە ولاردىڭ قاۋىپسىزدىگىن قامتاماسىز ەتۋدەگى مىندەتتەمەسىنىڭ كورىنىسى. باستاما بالالارعا زارداپ سالدارىمەن كۇرەسۋ جانە پسيحولوگيالىق تۇرعىدا قولداۋ جۇيەسىن قۇرۋداعى ماڭىزدى قادامنىڭ ءبىرى, – دەدى وقۋ-اعارتۋ مينيسترلىگى بالالاردىڭ قۇقىقتارىن قورعاۋ كوميتەتى توراعاسىنىڭ ورىنباسارى يۋليا وۆەچكينا.
كومەك كورسەتۋ باعدارلاماسى وبلىستىق دەڭگەيدە پسيحولوگيالىق قولداۋ ورتالىقتارىنىڭ, اۋداندىق ءبىلىم بولىمدەرىنىڭ بازاسىندا ىسكە اسىرىلادى.