شىعىن ەسەپتەلىپ جاتىر

7 شىلدە كۇنى ساعات 17.20 شاماسىندا نوسەر جاۋىننان كە­يىن قالىپتاسقان كولبەۋ اعىن سۋ تاۋ بوكتەرىندە ورنالاسقان تۇر­عىنداردى ابىگەرگە سالدى. بىرقا­­تار اۋلا, ءبىرشاما ءۇي­دىڭ ىشىنە سۋ ­كىردى. سارىسۋلىقتار­دى الاڭدات­قان ماسەلە جەرگىلىكتى اتقارۋشى بي­لىكتى دە بەيجاي قال­دىرعان جوق. ءبىرىنشى كۇنى ءوڭىر باسشىسى­نىڭ ورىنباسارى قاناتبەك مادىبەك باستاپ, جا­ۋاپتى باسقارما باسشىلارى قوش­تاپ وقيعا ورنىنان تابىلدى. جاعدايمەن تولىق­قان­دى تانىستى.

كولدەنەڭنەن كەلگەن كولبەۋ اعىن بايقادام اۋىلدىق وكرۋ­گىندەگى ساۋداكەنت اۋىلى تۇرعىن­دارىنىڭ جۇيكەسىنە شي جۇگىرتتى. بەس كوشەدە اۋىق-اۋىق جارىق ءسو­نىپ, بىرنەشە مارتە قايتا جانعان.

جاۋاپتى قۇرىلىم قىزمەت­كەرلەرى ولقىلىقتى جويۋ بويىن­شا جۇمىسقا جەدەل كىرىسكەن. ­نا­­­تي­­­جەسىندە, باستاپقىدا 50 مامان, ­17 بىرلىك تەحنيكا جۇمىل­دىرى­لىپ, 11 موتوپومپا جانە درون قول­دانۋ ارقىلى سۋدى تازار­تۋ جۇمىس­تارى جۇرگىزىلگەن. ال «جاڭاتاس – ساۋداكەنت» تاس جولى سۋ باسۋ قاۋپىنە بايلانىستى ۋاقىت­شا جابىلعان.

كەلەسى كۇنى ءوڭىر باسشىسى ەربول قاراشوكەەۆ وقيعا ورنىنا ارنايى ات باسىن بۇرىپ, سۋ العان اۋلالاردى ارالادى, قالىپتاسقان جاعدايمەن تانىستى, جەرگىلىكتى جۇرتپەن پىكىرلەستى. جاۋاپتى ما­ماندارعا جاعدايدى جەدەل رەتتەۋ بويىنشا تاپسىرما بەردى.

جەرگىلىكتى اتقارۋشى بيلىك باس­تاپقىدا 200-دەن استام ءۇيدىڭ اۋلاسىنا, 21 ءۇيدىڭ ىشىنە سۋ كىر­گەنىن حابارلاعان بولاتىن. كەلەسى كۇنى بۇل كورسەتكىش وزگەرگەن. ناقتىراق ايتار بولساق, ءبىرشاما وسكەن. سوڭعى دەرەككە جۇگىنسەك, 400-دەن استام ءۇيدىڭ اۋلاسىن, 47 ءۇيدىڭ ءىشىن سۋ العان ەكەن. ارينە, مامانداردىڭ جەدەل ىسكە كىرىسۋى­نىڭ ارقاسىندا جۇيەلى جۇمىس جۇرگىزىلگەنىن ايتا كەتكەن ءجون.

«ايماقتاعى جاعداي نازاردان تىس قالمايدى. ارنايى كوميس­سيا قۇرىلىپ, تۇرعىندارعا ءتيىستى كومەك كورسەتىلەدى. زارداپ شەككەن نىساندارعا زاڭ اياسىندا قا­جەتتى قولداۋ كورسەتۋگە ءازىرمىز. ءبىز بۇل قيىندىقتى جۇمىلعان جۇ­دىرىقتاي بىرگە ەڭسەرەتىنىمىز داۋ­سىز», دەدى وبلىس اكىمى. قازىرگى كەزدە سا­رىسۋ اۋدانىندا جاعداي تۇراق­تالعانىن ايتا كەتكەن ءلازىم. ادام جانە مال شىعىنى بولعان جوق.

جەرگىلىكتى اتقارۋشى بيلىك كەلتىرگەن مالىمەتكە سۇيەن­سەك, تو­تەنشە جاعدايلار دە­پارتا­مەن­­تىنىڭ قىز­مەتكەرلە­رى ­اۋلالار مەن ۇيلەر­دى تازارتۋ بويىنشا ۇز­دىك­سىز جۇمىس ىستەپ جا­تىر.

8 شىل­دە كۇنى ىمىرت ۇيى­رىلگەنگە دەيىن 18 600 تەكشە مەتر سۋ سورىلعان ەكەن. جالپى سانى 128 اۋلا مەن 47 ءۇيدىڭ ءىشى سۋدان تازارتىلعان. جاڭا­تاس قالاسى ماڭىنداعى ەكى ەلدى مەكەندە جارىق قوسىلعان.

توتەنشە جاعداي جەر­­گىلىكتى بيلىكتى تاعى ءبىر سىناپ العانى انىق. جاڭاتاستاعى جاعدايعا تاس-ءتۇيىن دايىندىقپەن بارعان ماماندار قازىر قولدان كەلگەن جۇمىستى ات­قارىپ جاتىر. بارلىق ماتە­ريال­دىق شىعىن­دى زەردەلەۋ بويىنشا ارنايى جۇ­مىسشى توپ قۇرىلعان.

«زارداپ شەككەن تۇرعىندار ءۇشىن 105 ورىندىق ەكى قابىل­داۋ پۋنكتى ازىرلەنگەن, وعان 12 ادام ورنالىستىرىلدى. قازىر ولار ءوز ەركىمەن ۇيىنە قايتتى. «جاڭا­تاس–ساۋداكەنت» تاس جولى اشىق. توتەنشە جاعدايدى جويۋعا ازاماتتىق قورعاۋ قىزمەتتەرىنەن 282 ادام, 64 تەحنيكا, 35 موتوپومپا جانە 1 ۇشۋ اپپاراتى جۇ­مىل­دىرىلعان», دەلىنگەن وبلىس اكىم­دىگى ءباسپاسوز قىزمەتى تاراتقان اقپاراتتا.

جامبىل وبلىسىندا نوسەر جاۋىن سالدارىنان ەكىنشى اۋدان­نىڭ ەلدى مەكەن تۇرعىندارى زارداپ شەگىپ وتىر. ءساۋىر ايىندا جاسوركەندە وتىز اۋلانى سۋ العان بولسا, سارىسۋ اۋدانىندا ءتورت جۇزدەن استام اۋلاعا سۋ كىرگەن. ارينە, وڭاي ەمەس. الايدا تۇرعىندارعا الاڭداۋعا نەگىز جوق. ويتكەنى بارلىق شىعىن ەسەپتەلىپ جاتىر. جەرگىلىكتى بيلىك بۇل ماسە­لەنى جەدەل شەشۋگە ق ۇلىقتى.

جامبىل وبلىسى,سارىسۋ اۋدانى