ءماجىلىس دەپۋتاتى, «Amanat» پارتياسى فراكتسياسىنىڭ مۇشەسى مۇقاش ەسكەندىروۆ جامبىل وبلىسىنا جۇمىس ساپارى اياسىندا تاراز قالاسىنداعى بىرقاتار نىساندى ارالاپ ءجۇر. كەشە دەپۋتات №15 مەكتەپكە جاپسارلاس سالىنىپ جاتقان عيماراتتىڭ قۇرىلىس بارىسىمەن تانىستى.
ءماجىلىس دەپۋتاتى حالىقپەن كەزدەسۋ بارىسىندا پارتيانىڭ «حالىقپەن بىرگە!» سايلاۋالدى باعدارلاماسىن جەرگىلىكتى جەرلەردە ىسكە اسىرۋ ساپاسىن تالداۋعا ەرەكشە كوڭىل ءبولىپ كەلەدى.
– جالپى, 781 بالا ءبىلىم الاتىن عيمارات ءبىراز ۋاقىتتان بەرى وقۋشىلارعا تارلىق ەتتى. پارتيا دەپۋتاتتارى وسىنى ەسكەرە كەلە, بىلتىر قۇزىرلى ورگاندارعا مەكتەپكە جاپسارلاس عيمارات سالۋ تۋرالى ۇسىنىس ايتتىق. ماسەلەنى شەشۋ ماقساتىندا بيىل وبلىستىق بيۋدجەتتەن 2,5 ملرد تەڭگە ءبولىنىپ, 300 ورىنعا ارنالعان عيمارات سالىنا باستادى, – دەدى دەپۋتات.
جوسپارعا سايكەس قۇرىلىس جۇمىسى كەلەر جىلدىڭ اقپان ايىندا اياقتالۋعا ءتيىس. بۇل جاڭالىق جەرگىلىكتى تۇرعىنداردى قۋانتتى. سەبەبى كەي اتا-انالار بالالارىن شالعاي ورنالاسقان مەكتەپكە اپارۋعا ءماجبۇر.
پارتيانىڭ سايلاۋالدى باعدارلاماسى اياسىندا وڭىردە بىلتىر 2 550 وقۋشىعا ارنالعان 5 جاڭا مەكتەپ سالىنىپ, 3-ءۋى كۇردەلى جوندەۋدەن ءوتتى. مەركى اۋدانى مەركى اۋىلىندا 300 ورىندىق بالالار مۋزىكا مەكتەبى پايدالانۋعا بەرىلدى. بيىل 5 مىڭنان استام ورىنعا ارنالعان 9 مەكتەپ سالۋ كوزدەلىپ وتىر.