ەلىمىزدىڭ جەتەكشى پەداگوگيكالىق جوعارى وقۋ ورنى – اباي اتىنداعى قۇپۋ تۇركىستان وبلىسىنىڭ جالپى ءبىلىم بەرۋ مەكەمەلەرىنىڭ باسشىلارى مەن مۇعالىمدەرى ءۇشىن ء«بىلىم الۋشىلاردا پاندىك, تسيفرلىق قۇزىرەتتىلىكتەردى, فۋنكتسيونالدىق ساۋاتتىلىقتى, يكەمدى داعدىلاردى قالىپتاستىرۋ» تاقىرىبىندا بىلىكتىلىكتى ارتتىرۋ كۋرسىن وتكىزدى.
پەداگوگ كادرلارىنىڭ بىلىكتىلىگى مەن كاسىبي قۇزىرەتتىلىگىن ارتتىرۋدى ماقسات ەتكەن كۋرستى تىڭداۋعا.
بىلىكتىلىكتى ارتتىرۋ كۋرسىنا قاۋىمداستىرىلعان پروفەسسور نۇرجامال وشانوۆا, امانگۇل وراكوۆا, ازيا جۇماباەۆا, ساۋلە ابىشەۆا, ناعيما ءىلياسوۆا, سەرىك يۆاتوۆ, قالامپىر جۇماعۇلوۆا جانە شاحيسلام لايسحانوۆ سياقتى ءبىلىم بەرۋ سالاسىنداعى جەتەكشى ساراپشىلار, عىلىم دوكتورلارى, عىلىم كانديداتتارى مەن ۋنيۆەرسيتەت پروفەسسورلارى قاتىسىپ, 8 مەكتەپتەن كەلگەن 150-دەن استام مۇعالىمگە زاماناۋي ءبىلىم ءۇردىسى جايىنداعى اقپاراتتارمەن ءبولىستى.
پانەلدىك سەسسيادا پەداگوگتەر ءبىلىم بەرۋدەگى ساپا مەنەدجمەنتى (TQM IS), بەلسەندى وقىتۋ ادىستەرى ارقىلى فۋنكتسيونالدىق ساۋاتتىلىقتى دامىتۋ, ەلەكتروندى تسيفرلىق ورتادا ورىس ءتىلى مەن ادەبيەتى وقۋلىقتارىن پايدالانۋ, «4ك مودەلى» جانە ديسكۋرستىق تالداۋ, مۇعالىمدەر مەن مەكتەپ وقۋشىلارىنىڭ عىلىمي زەرتتەۋ جۇمىستارى, جاراتىلىستانۋ پاندەرى بويىنشا مەتاپاندىك قۇزىرەتتىلىكتەردى قالىپتاستىرۋ, گەوگرافيا مۇعالىمدەرىنە گەواقپاراتتىق ءبىلىم بەرۋ ماسەلەلەرى, ءبىلىم بەرۋدە جاساندى ينتەللەكتى پايدالانۋ بارىسىن مەڭگەرىپ, مەكتەپتەگى عىلىمي جوبالارعا قاتىستى مالىمەتتەردى تالدادى. سونىمەن بىرگە لينگۆيستيكالىق ينتەرپرەتاتسيانىڭ وقىتۋ ادىستەمەسىندەگى ورنى, عىلىمدى دامىتۋ بويىنشا ءبىلىم, قاشىقتىقتان وقىتۋ ماتەريالدارىن پايدالانۋ, تسيفرلىق پەداگوگيكا جانە پەداگوگتىڭ IT قۇزىرەتتىلىگى سياقتى زاماناۋي تاقىرىپتار بويىنشا دا لەكتسيالار وقىلدى.
ۋنيۆەرسيتەت ۇيىمداستىرعان كۋرستاردا جىل سوڭىنا دەيىن مىڭعا جۋىق پەداگوگ بىلىكتىلىگىن ارتتىراتىن بولادى.
الماتى