جوعارعى سوت قىزىلوردا وبلىسىندا مورالدىق شىعىندى ءوندىرۋ بويىنشا ءىستىڭ قورىتىندىسىن جاريالادى, دەپ جازادى Egemen.kz.
جەرگىلىكتى تۇرعىن قىزىلوردا قالالىق سوتىنا كەلتiرiلگەن مورالدىق شىعىننىڭ ورنىن تولتىرۋ تۋرالى وبلىستىق پاتولوگيالىق بيۋروعا تالاپ قويعانى بەلگىلى بولدى.
تالاپ قويۋشىنىڭ 4 ايلىق قىزى 2023 جىلى بالالار اۋرۋحاناسىنىڭ جانساقتاۋ بولىمىندە قايتىس بولعان.
سول كۇنى پەريناتالدىق ورتالىقتا تاعى ءبىر ايەلدىڭ ءسابيى ءولى تۋعان. بالالاردىڭ مايىتتەرى مايىتحاناعا جەتكىزىلگەن.
«تالاپ قويۋشىعا ءمايىتتى بەرۋ تۋرالى ءوتىنىش بەرگەندە, ءمايىتحانا قىزمەتكەرلەرى ونىڭ بالاسىنىڭ ءمايىتى قاتەلەسىپ باسقا اتا-اناعا بەرىلگەنىن حابارلاعان. سوڭعىسى مۇنى بىلمەي, تالاپ قويۋشىنىڭ ءسابيىن جەرلەگەن. سودان كەيىن ەكسگۋماتسيا ءراسىمى جۇرگىزىلىپ, قىزدىڭ دەنەسى تالاپ قويۋشىعا بەرىلگەن. مىندەتتەرىن دۇرىس ورىنداماعانى ءۇشىن ءمايىتحانا قىزمەتكەرىنە تارتىپتىك جازا – قاتاڭ سوگىس جاريالاندى. بيۋرونىڭ باس دارىگەرى قىزمەتىنەن بوساتىلدى», دەلىنگەن جوعارعى سوت حابارلاماسىندا.
سوت اتالعان فاكتى مەديتسينالىق مەكەمە قىزمەتكەرلەرىنىڭ سالعىرتتىعىنان بولعانىن راستادى.
بۇل وقيعا ارىزدانۋشىعا مورالدىق-پسيحولوگيالىق ازاپ پەن ەموتسيونالدىق كۇيزەلىس تۋعىزدى. وسىعان بايلانىستى سوت تالاپتى قاناعاتتاندىرىپ, مورالدىق زياندى وتەۋ رەتىندە شاعىمدانۋشىنىڭ پايداسىنا پاتولوگيالىق بيۋرودان 1 ملن تەڭگە ءوندىردى.