سينوپتيكتەر 15, 16 جانە 17 ماۋسىمعا ارنالعان اۋا رايى بولجامىن جاريالادى, دەپ حابارلايدى Egemen.kz.
الداعى كۇندەرى رەسپۋبليكانىڭ بارلىق اۋماعىندا اۋا رايى تۇراقسىز بولادى.
«جاڭبىر جاۋىپ, نايزاعاي وينايدى, ەكپىندى جەل سوعادى. سولتۇستىكتە, شىعىستا, وڭتۇستىك-شىعىستا, رەسپۋبليكانىڭ ورتالىعىندا بۇرشاق جاۋى مۇمكىن, سولتۇستىكتە 15, 17 ماۋسىمدا, ورتالىقتا 15 ماۋسىمدا قاتتى جاڭبىر جاۋادى دەپ كۇتىلەدى», دەلىنگەن اقپاراتتا.
ال ەلدىڭ باتىسىندا اۋا تەمپەراتۋراسى +33+42°س دەيىن ىسيدى, وڭتۇستىك-شىعىستا اۋا تەمپەراتۋراسى +35+42°س دەيىن كوتەرىلەدى.
«سولتۇستىكتە +26+34°س, ورتالىقتا +25+33°س, شىعىستا +21+31°س دەيىن ىسيدى», دەپ حابارلادى «قازگيدرومەت» رمك ءباسپاسوز قىزمەتى.