ەلىمىزدە ەلەكتر ەنەرگياسىن ساقتاۋ جۇيەسى پايدا بولادى

اتالعان ءتارتىپ قاعيداتتارىنا كەلەسى تۇسىنىكتەر ەنگىزىلەدى:

ەلەكتر ەنەرگياسىن ساقتاۋ جۇيەسى – ەلەكتر ەنەرگياسىن جيناقتاۋعا (زاريادتاۋعا), ساقتاۋعا جانە بەرۋگە (رازريادقا) ارنالعان اۆتوماتتاندىرىلعان باسقارۋ جۇيەسى بار تەحنيكالىق قۇرىلعى جانە قازاقستان رەسپۋبليكاسىنىڭ زاڭناماسىنا سايكەس ولاردى پايدالانۋ ءۇشىن تەحنولوگيالىق تۇرعىدان قاجەتتى ءوزارا بايلانىستى قۇرىلىستار مەن ينفراقۇرىلىمدار; ەلەكتر ەنەرگياسىن ساقتاۋ جۇيەسىنىڭ قۋاتى – جابدىقتى دايىنداۋشى زاۋىتتىڭ پاسپورتتىق دەرەكتەرىمەن ايقىندالاتىن كيلوۆاتتپەن قۋاتتىلىق; ەلەكتر ەنەرگياسىن ساقتاۋ جۇيەسىنىڭ ەنەرگيا سىيىمدىلىعى – جابدىقتى دايىنداۋشى زاۋىتتىڭ پاسپورتتىق دەرەكتەرىمەن ايقىندالاتىن ەلەكتر ەنەرگياسىن ساقتاۋ جۇيەسىمەن جەلىگە جيناقتاۋعا, ساقتاۋعا جانە بەرۋگە مۇمكىن بولاتىن كيلوۆاتت-ساعاتتاعى ەلەكتر ەنەرگياسىنىڭ كولەمى; ەلەكتر ەنەرگياسىن ساقتاۋ جۇيەلەرىنىڭ يەلىك قۋاتى – ونىڭ قۋاتىنىڭ شەكتەۋلەرىن شەگەرگەندەگى جابدىقتىڭ بەلگىلەنگەن قۋاتى; ەلەكتر ەنەرگياسىن ساقتاۋ جۇيەسىنىڭ ماكسيمالدى زاريادى – قول جەتىمدى جيناقتالعان زاريادتىڭ ماكسيمالدى ءمانى كيلوۆاتت ساع; ەلەكتر ەنەرگياسىن ساقتاۋ جۇيەسىنىڭ ەڭ تومەنگى رازرياد تەرەڭدىگى – جيناقتالعان زاريادتىڭ كيلوۆاتت ساعاتىنا ولشەنەتىن تومەندەتىلمەيتىن قالدىعى;

ەلەكتر ستانتسيالارىنىڭ, قازاندىقتاردىڭ, ەلەكتر جانە جىلۋ جەلىلەرىنىڭ نەگىزگى مىندەتتەرى ەلەكتر جانە جىلۋ ەنەرگياسىن ءوندىرۋ, ءبولۋ جانە تۇتىنۋشىلارعا بوساتۋ (بۇدان ءارى – ەنەرگيا ءوندىرىسى) نەگىزگى تاپسىرمالارى بولىپ سانالادى.

ەلەكتر ەنەرگياسىن ساقتاۋ جۇيەلەرىنىڭ نەگىزگى مىندەتتەرى - ەلەكتر ەنەرگياسىن جيناقتاۋ, ساقتاۋ جانە بەرۋ.

بۇل رەتتە ەلەكتر ەنەرگياسىن ساقتاۋ جۇيەسىمەن ءوزارا بايلانىستى قۇرىلىستار مەن ينفراقۇرىلىم ولاردىڭ قۋاتىن شەكتەۋسىز تولىق بەرۋدى قامتاماسىز ەتۋگە ءتيىس.

ەلەكتر ەنەرگياسىن ساقتاۋ جۇيەلەرىندە ەنەرگەتيكالىق سيپاتتامالار تومەندەگى كورسەتكىشتەر بويىنشا جاسالادى:

ەلەكتر قۋاتىنىڭ وزگەرۋ جىلدامدىعى, مۆت/سەك; ەلەكتر ەنەرگياسىن تۇرلەندىرۋ تيىمدىلىگى; قۋاتتىڭ دەگراداتسياسى; زارياد/رازرياد تسيكلدەرىنىڭ سانى; رۇقسات ەتىلگەن زارياد/رازرياد جىلدامدىعى; زارياد كۇيى; رازريادتىڭ رۇقسات ەتىلگەن تەرەڭدىگى; جاۋاپ بەرۋ ۋاقىتى; رەاكتيۆتى قۋات بويىنشا مۇمكىندىك; سۋىق ىسكە قوسۋ مۇمكىندىگى.

ەلەكتر ەنەرگياسىن ساقتاۋ جۇيەلەرى بەلگىلەنگەن قۋاتى 10 مۆت-تان جوعارى جەكگق وبەكتىلەرىنە قولدانىلادى. ەلەكتر ەنەرگياسىن ساقتاۋ جۇيەلەرى بار جەكگق وبەكتىلەرى ءۇشىن جەلىمەن سينحروندالعان جۇمىس قامتاماسىز ەتىلەدى.

ەلەكتر ەنەرگياسىن ساقتاۋ جۇيەلەرى بار جەكگق وبەكتىلەرىنە ارنايى تالاپتار بەلگىلەنۋگە ءتيىس. بۇل رەتتە ەلەكتر ەنەرگياسىن ساقتاۋ جۇيەلەرى ءۇشىن ەلەكتر ەنەرگياسىن ساقتاۋ جۇيەلەرىنىڭ تەحنيكالىق تالاپتارى مەن دياپازوندارى قوسىمشا بەلگىلەنەدى. 

قۇجاتتىڭ تولىق نۇسقاسى اشىق نقا سايتىنا ورنالاستىرىلعان.