ءور سۋى مول كەلۋىنە بايلانىستى, جايىقتىڭ سۋ وتكىزۋ قابىلەتىن ارتتىرۋ ماقساتىندا وزەننىڭ كاسپي تەڭىزىنە قۇيار ساعاسىنىڭ 48,9 شاقىرىمنان باستاپ 50,5 شاقىرىمىنا دەيىن ءتۇپ تەرەڭدەتۋ جۇمىستارى ءجۇرىپ جاتىر, دەپ حابارلايدى Egemen.kz اتىراۋ وبلىسىنىڭ تج جونىندەگى جەدەل شتابىنا سىلتەمە جاساپ.
ءتۇپ تەرەڭدەتۋ جۇمىستارىنىڭ جالپى ۇزىندىعى 1600 مەتردى, ەنى 20 مەتردى, ال تەرەڭدىگى 1,2 مەتردى قۇرايدى.
قازىرگى ۋاقىتتا مەردىگەر مەكەمە ءتۇپ تەرەڭدەتۋ جۇمىستارىنا «زرس-گ», «ۆاتەرماستەر-1», «ۆاتەرماستەر-2» جەر سورعىش سناريادتارىن (زەملەسوسنىي سنارياد) قولدانىپ جاتىر. بۇگىنگى احۋال بويىنشا, «قازاقستان سۋ جولدارى» رمقك تاپسىرىسىمەن بارلىعى 2643 مەتر جەر قازىلىپ, 16 686 م3 توپىراق الىندى. باس مەردىگەر - «پاۆلوداروزەنپورتى» اق. سونىمەن قاتار «دم ەكو كاسپيان» جشس 2350 مەتر ءتۇپ تەرەڭدەتۋ جۇمىستارىن جاسادى.