سينوپتيكتەردىڭ بولجاۋىنشا, ماۋسىم ايىنىڭ باسىندا ەلىمىزدە 40 گرادۋسقا دەيىن كۇن ىسيدى. اسىرەسە, بۇل قازاقستاننىڭ وڭتۇستىگى مەن باتىس وڭىرىنە قاتىستى, دەپ حابارلايدى Egemen.kz.
2024 جىلعى 4-6 ماۋسىمعا ارنالعان بولجامعا سايكەس, رەسپۋبليكا بويىنشا تۇراقسىز اۋا رايى ساقتالادى.
مەتەورولوگتار اتاپ وتكەندەي, سولتۇستىك-باتىستا جانە سولتۇستىكتە بۇرشاق جاۋىپ, ەكپىندى جەلمەن بىرگە نايزاعاي ويناپ, جاڭبىر جاۋادى.
سونداي-اق قازاقستاننىڭ باسىم بولىگىندە اۋا تەمپەراتۋراسىنىڭ بىرتىندەپ كوتەرىلۋى كۇتىلەتىنى ايتىلعان. ماسەلەن, رەسپۋبليكانىڭ باتىسىندا +30+39 °C دەيىن, سولتۇستىك-باتىستا +25+35 °س دەيىن, سولتۇستىكتە +23+30 °س, رەسپۋبليكانىڭ ورتالىعىندا جانە شىعىسىندا +25+33 °C دەيىن, وڭتۇستىگىندە +35+40 °س دەيىن, وڭتۇستىك-شىعىستا +28+35 °C دەيىن اۋا تەمپەراتۋراسىنىڭ جوعارىلاۋى كۇتىلەدى.